[فهد الغبيشي]

امس الخميس من صبـــاح الله خير
زوجة رجل تاجر مع زوجة فــقير
تهاوشن وصار شيء مايصـــــير
يالله دخيلك من مشاكل ذا الحريم

سمعت رجتهم وانا وسط الفــــراش
قمنا على الهوشــــات نتفرج بلاش
وان كان شفتن راح يجمعن الهواش
لا والله ابعد وش ابي في سين جيم

طلعت من هذي الخـــلايق واقفين
سألتهم ياذا العرب وش شــايفين
قالوا حريمن وبالعصي متحاذفين
من تلك النسوان يالله يالكــــــريم

جت زوجة التاجر وقـــــالت يافلان
هذي مره ماشغلــــــها الا ليل دان
صوت المسجل عندها طول الزمـان
وهي تغني بصوت هايض مع مديم

لاشك لاجا الليل حطت لي حجـاب
والا خلف اوسميـــــره اوعتـــــاب
نسمع مسجلهم ونغلط فالحسـاب
واحنا قرايتنا على الشكل القديم

من عقبها جت زوجة الشخص الفقـير
قالت تفضل وادخل البيت الصغـــــير
فنجال شاهي قلت ابي واحد عصير
ترى الكلام يطول وافهم يافهــــــيم

يومن دخلت البيت انا شفت العجب
شفت الحياة اللي لها قلبي رغب
حــــلت لنا وباشـــــرتنا في ادب
ياليت في بيتهم دايم مقيـــــــــــم

فكرت اروح لمنزل الشخص الغني
واجهت عند الباب شايب منحني
مسك فثوبي يالله انه هزنـــــــي
يقول رايح وين يابليس الرجيـــــم

قلت يالشايب قـــــال ياعلك تشيب
قلت انت طيب قــــال جعلك ماتطيب
قلت اسقني ما قال مطلوبك صعيب
عســــــــــاه ما يفرح بجنات النعيم

قلت انت ياذا العود اظنك ماتشوف
قال انعمي لاشفت قدامي ضيوف
فقلت انا املك ملايين واــــــــــلوف
جيت اشتري منكم بضايع ياحنوب

قــــــــال انت ماودي تطول عندنا
قــــــــــــلت العفو ربع ساعه حدنا
ابشرك ماني بقايل غدنــــــــــــــــا
انا سعودي ومسكني وصط القصيم

البيت من داخل مثل حوش الغنم
وراعي البيت الغني مثل الصنم
ملابسه متشققه وحافي قــــدم
عساه دايم من هنا الدنيا عديم

اقبل على مجلس جدار هني له
يسأل عن المفتاح يامن عينه
قالوله المجلس مسكر من سنه
العام يومن زارنا ضيفن كريم

القصيده للشاعر علي بن محمد


وسلامتكم