مساء الخير عليكم (كتبت الموضوع في الليل)
وشلونكم وش اخباركم عسا ماشر ! طيب ابقولكم سالفتي وانا قاعد الم الأغراض في البيت ذلك المساء عشان بيجي الهندي حق السخانات وانا قاعد ازين وازبط عندما كنت تحت السرير والقى الجهاااااااااز
هذا الجهاز حق الزمن اللي تكتب عليه اسم اي شي يطلع لك المعلومات الكامله عن الشخص واسم امه وبيتهم وكل شي فقعدت احطط اساميكم وكشفتكم وعرفت ما تخفي ضمائركم , فالخصوصيات مثل اسماء الخطيبين واسماء الامهات ما قولها , ابقول المعلومات السطحيه واللي يبي المعلومات الغويطه يراجعنا ويجيب معه ما يثبت انه هو .
وكل الاعضاء صدقيني وحبيبني كتبت اساميهم وعرفت بلاويهم واللي ما كتبت اسمه والله سقط سهوا وإن شاء الله بكتبه في الجهاز الثاني حق معرفه رقم المتصل والله مشاء الله وش كثركم غطيتوا عيال بنك دبي الاسلامي الهيد أوفس .
فأترككم مع ما خفي عليكم من بلااااوي وسوالف شاب لها شعر ركبتي واما الآن مع مقدم الحفل الطالب سالم البيتي
تفضل اخ سالم
نبدأ حفلنا هذا المساء ولكن قبل البدء نمدح قليلا الرعاه المشاركون:::
الراعي الرسمي للموضوع أرز أبو كاس
الراعي حق الدعايات بيره بايسن كلك بركات
الراعي حق الدراهم محطه ومشحمه فنون الجزيره
وأما الآن مع الاعضاء واحداً تلو الآخر على حسب العمر او كبر الرأس
فبسم الله نبدأ::::
أبونضال الدوسي...والنعم
ان هذا المدون اعلاه واثق الخطوه برىء الأصبع احس انه لما ينام يكون حاط الحصان حقه بجنبه وهو يحب وحده اوكرانيه اسمها شاليزا ويحب التبطح على الأرض في الصالة ورفع صوت المسجل عند الاشارات ولكن مشكلته مع كورة التنس و ما يحلق الين يكبر وجهه
هديتك :: مكينه حلاقه جي في سي
بنوو دلع ووته
اما بنوو دلع ووته
بارك الله فيكم ما بقت مجله ما شرتها المشكله ياليتها تقراها تقعد تناظر في هالصور وتوها فاتحه حساب في البنك يعني خمسه وعشرين ساعه عند الصراف استعلام عن الرصيد بس تهوى شي اسمه رادو
هديتك :: دليل الهاتف السعودي 1427هـ
فارس القبيلة
فارس القبيلةهذا من عقب ما صار مراقب صار يطق اخوانه ويفرش اسنانه ومعد ياكل إلا في مطاعم ولكن يعيش قصه حب مع بنت الجيران المشكله ما عنده اسلوب بس أنا حلمان به بيطلع كاتب عدل وشاري جمس جديد
هديتك :: مالبورو أحمر وبيبسي دايت
العتمه
ذا العضو يا جماعه الربع إنسان مؤدب وخلوق ولكنه كثير التفال ليش مدري؟؟
ويحب اصدقاؤه وعيال عمه ولكن يشحن جواله باستمرار الله يكفينا شر الوسوسه ومطول ظفره الكبير مسوي بيطلع زين وبس
هديتك :: عصير الربيع ابو ريالين مشروب نصه
cute bo0oy
والله هذا الشيخ ما اعرفه بس شكله يصيد سمك واحس هالكائن كثير الهواجيس والتسريح وإذا جاء يقطع الشارع ما ينتبه لإشارات المرور وقد قزوه الشباب كم مره في شارع المعارض في البحرين شكله ناوي يتزوج
هديتك :: نص حبه بخاري
العرنين
بعض الأحيان وش حليله يعني يودي اهله السوق وتشوفه شاد شعره وبعض الاحيان مطنقر الله يكفينا الشر ويحب التسوق في القوايل والمشي على كفرين ولكن ما فيه امل يضيع منه شي واكبر دليل اللون الاخضر حق اسمة ومشاركاته الكثيره<<<اههههههب
هديتك :: قفل حق سيكل
السيف السعودي
السيف السعودي سلمكم الله تتروش في اليوم سبع طعشر مره الا تصير ركبتها بيضاء تحب تحوس يعني تفكك وتركب الاشياء وتعرف تصلح الخلاط بس حراااام عليها يوم قصت شعرها واربعه وعشرين ساعه قدام المرايه تفقع حبوب
هديتك :: مناديل محطه
فارس دوس
والله نحبك في الله يافارس دوس احس معاك جمس اسود كتم حاط سيفين ونخله ورا وكنود بس لا يشوف أجد منكم في السوق ماسك جوالك قاعد تتميلح احس انك لامحاله بتروح عليك وشكله بيطلع إمام مسجد وشيخ يشار اليه بالنانو
هديتك :: دهن عود
الغزال العارضية
بنت جميله وش حليلها بس في وجهها العديد من الشقوق بسبب التحرش بالشغالات وأمنيتها في الحياة أن تتزوج ضابط أو جندي بس أهم شيء يشبه فاندام وتحب تاااكل حلاو مصاص
هديتك :: مزيل مناكير
ولد سويد من بني هريره
قرر ابو الشباب يشتغل في هالعطله ومسكت على استقبال شقق مفروشه وآآخرها بنلقاه في سجن والا في الاخبار سارق موتر - بس اووكيه الجنوط على الكامري - ويقدر شي اسمه أم كلثوم وخصوصا فوق هام السحب
هديتك :: مسجل مسروق
الوفا طبعي
الوفا طبعي الله يقطع سوالفكم تحب شي اسمه عرس حتى انها متزوجه وتحب السباحه والنوم فوق الأرصفه وكأنه زاد وزنها شوي في الاونه الاخيره بس يقولون شهر وبتشيل التقويم
هديتك :: دوره كيف تتعامل مع ابنائك
دلوعه أبوها
طالبه وش حليلها احس لو تطقها او ترفع بها تقول الله يسامحك ما نراها إلا مجروحه وتقدر شي اسمه صياح لو تقول لها وش لونك قعدت تشاهق بس احس يصلح تاخذها معك في خط يعني برباره كذااا
هديتك :: زيت حشيش سوبر بلس
شذى الورود
عضوه احس بيتهم لونه وردي وسواقهم جديد ومسوين كاش حاطين عند باب البيت حارس أمن وتحب شي اسمه لومينا اس اس ولكن راعيه مشاكل مع البقاله وتقوم بما يجب في حال غياب اولياء الامور يعني ترويش بزران تغيير حفايظ مع انها زعوله بس حبيبه البنت
هديتك :: تذكره سفر إلى جيزان
تلقائي
لعب فيه الحب , أيدينه صارت كلها كتابات كنها حمام مدرسه , في الاونه الاخيره صار يفرط في اكل البندول يعمل جاهداً على تكوين فريق في حارتهم , وجواله اي ميت مسوي حق كمبيوتر بس شكله بيطلع مدرس قواعد وأملاء
هديتك :: ساطور وسكينه حقت فاكهه
البروفيسور الحنون
البروفيسور الحنون عااد ما تشوفه إلا في حلاق والا في مغسله سيارات وكل ما شفته قال تقهوا معنا مسوي علوم رجاجيل بس يركب عليه دكتور اسنان كذا واحسن ما فيه يعرف يختار يعني يصلح تاخذه معك اذا بغيت تخطب
هديتك :: مسدس مويه
mshaz1000
هذا الشخص عجزت أقرأ أسمه , المهم بمعرفتي بأسمه الأول فهو يحب شي اسمه تميز وآخرتها شرى رقم باسم هندي زلطه كنه رقمي بـ500 بس عنده نيه يروح لأبها يكمل الثانويه العامه مع تمناتي لك بالتوفيق في اللموزين الجديده عااد اتخيل انواع الصور ملزق
هديتك :: نور زينون للكامري
الزرعي
يحب شي اسمه ميريام فارس اجل الناس يحطون في مواترهم صقر العروبه وذا حاط أنا والشوق مسوي حبيب ويحب التزلج على الجليد ولكن مشكلته ما يعرف يلبس احرام وتوهـ مقصص اضافره
هديتك :: بطاطس ابو كوره
ثلجه مقليه
عضوه وش حليلها تقوم مبكراً وتصحوا متأخرا شكلها تنسى وهي نايمه وما تعرف شي اسمه منديل يعني تمسح خشتها في اقرب شي في الارض في اقرب تنوره كذاا بس بتطلع شاعره وتحب التركي راعي البيتزا
هديتك :: مريول كحلي
ظبي الجنوب
هذه الفتاه نظاميه اذا جت عند مستشفى ما تضرب بوري واذا جت تاكل تحط على رقبتها فوطه والا شرشف بس في الاونه الاخيره كثرت حلومها بالليل يعني تقعد ترافس حتى انها مره باغيه تطب من السطح
هديتك :: كيكه مكتوب عليها مع السلامه
fhad.2011.zh
يروح الدوام عشان يجيب جرايد وتبيه ينام ؟خله يحل كلمات متقاطعه وما يحب شي اسمه مستشفى الله يعين اللي بتأخذه بس احسن ما فيه يعطيك جوك وتعرف في الفتره الاخيره على عصابه تمرير مكالمات وما فيه أمل يغير جواله
هديتك :: كرتون اندومي
الماجدة
هذي عندها قطوه لونها أحمر وكلش الا هالقطوه والحين هي مرافقه مع قطوتها في المستشفى ادعوا لقطوتها تقوم بالسلامه وتحب شي اسمه سوني ومن هوايتها كره الطائره على الشاطئ وتملك مطاره لحفظ السوائل
هديتك :: صندوق طماط
الجنتل
هذا سلمكم الله وأخذكم خاطب من سنه ابوي وجدي بس ما تزوج إلى الحين تقوله ليش يقول ياخي خااايف ولكن هذا الولد يحب السمك والحمام الشمسي والاحظ في الآونه الاخيره ينام على بطنه ولا يضع ما يستر على عورته
هديتك :: شورت لونه فسفوري
بنت شيوووخ
أيقن في أن هذه المخلوقه جنوبيه أصيله بس احسها تصلح ربه منزل وإلا مشرفه قسم الاجتماع في سجن أبو غريب فهي تضبط الطباخات ولكن يعاب عليها تاكل بشفاحه كنها ملحوقه واتوقع في القريب العاجل بتنهبل
هديتك :: قسيمه شراء من بنده بمبلغ 37 ونص
البرنسيسة
النعومه هذي تعيش طفوله متأخره يعني هذا كبرها وما تنام إلا بقصه وجنبها دبدوب مسويه دلوعه احس تقدر تنزل في الليل بالحوش بلحالها وهي عريفه الفصل في المدرسه والا بعد اول مره اشوف وحده تعيد 6 مرات سادس ابتدائي
هديتك :: سوني تو بس ما تلعبين الا الين تخلصين مذاكرتك
اعذورنا شباب اذا كنا جرحنا مشاعركم او قتلنا هواياتكم البديعيه بس هذا من غلاااااااكم ويقول المثل من حبك لعن جدك والشباب و الشابات الذين لم نذكر اسماءهم ليس انتقاصاً في حقهم بس والله انكم كثيرين كنكم الحبوب اللي في ظهري وعلى فكره هذي الفكرة مسروقه بس بعض التقليعات مصنوعه محليا بأيدي محليه .