[عبدالله الطنيني]

[align=center]من ديوان الطنيني ص (68) إخترت لكم (قصيدة التجربة) )[/align]

[poem=font="Simplified Arabic,6,#1A00FF,bold,normal" bkcolor="" bkimage="images/toolbox/backgrounds/6.gif" border="double,6,#400000" type=1 line=0 align=center use=ex num="0,#400000"]
قال المجرّب من وسيـع النهيّـة=التجربـة حـقٍّ تصـل منتهاهـا
يا عاشـق الدنيـا تراهـا دنيّـة=طمّاعها مـا يفتكـر فـي دناهـا
وان طمئنتـك ان آخرتهـا فنيّـة=وشْ لك على دنياً سريـعٍ فناهـا
يسعى ورا الدنيا نفـوسٍ شقيّـة=واهل الغنى مرتاحةٍ مـن شقاهـا
عايش غنيّ النفس عيشـة هنيّـة=واهل الطماعة عيشها مـا هناهـا
جُدْ بالزّوايـد واحتفـظ بالبقيّـة=في باب خيرٍ خيرهـا فـي بقاهـا
تنفعك فـي قبـرٍ تدانـى صِليّـه=تدراك عـن نـارٍ قـويٍّ صِلاهـا
أوصيك يا صفوان حـقّ الوصيّـة=في التجربة حافظ على محتواهـا
أوصيك تمشي في الطريق العليّـة=من سار فيها يعتلي فـي عُلاهـا
أعط الغـلا والطيـب والمقدريّـة=للنشمي الّي فوق اساسـك بناهـا
واذا غرست أغرس غروسٍ جنيّة=لو تغْرس الشيكان صابك حفاهـا
واذا اعتنيت تعَنْو باهـل العنيّـة=كم معضلات عنك زالـوا عناهـا
لا تعطي اسرارك خبيـث الطويّـة=ينشر عيوبك والمحاسـن طواهـا
له عادة الشيطان يِطْمـي خويّـه=في التّهْلُكة مِتـرديٍ فـي رداهـا
ويعـود مبسـوطٍ يبشّـر صليّـه=مِتْبـرّيٍ مِ المخطيـة لاعبـاهـا
لاتعطي المعروف طافي الضّويّـة=في البيت واما وشط قلبك ضواها
ما يقضي الـلازم نهـار الوزيّـة=عسى بيوت البخل يِسْرعْ عزاهـا
زاد الصّدا لاهل القلـوب الصّديّـة=والبحر لحمر ما ينظّـف صداهـا
أهـل الـردى هدّامـة المعنويّـة=تسري الخيانة والردى في دِماهـا
جرّبت راعي الخُبْث رأس البغيّـة=بالسّن يضحك والمصيبـة خفاهـا
وان عضّته لزمـان عـوّد عليّـه=لوكنت اخوه فْخوتـي مـا بغاهـا
جرّبت صبيان الشّـرف والحميّـة=في كـل ميـدان تعـدّي خُطاهـا
عنـد الاجاويـد العلـوم الطريّـة=تلقى الكرامة والغلى فـي قِراهـا
وصحافهم للضيـف دايـم بديّـة=واغلى الكباشة ما تغالوا شِراهـا
وايضـا تراحيـب وْ دلالٍ عذيّـة=صافي مهيّـل والعويـدي شذاهـا
فنجـال يكفـي خرمـة الوالعيّـة=يِسرع بها ما يتّخـر فـي جِذاهـا
تر لجودي يمناه تعطـي العطيّـة=متناسـيٍ ماكنـه الّـي عطاهـا
لا اسديت له معروف تلقى الجزيّة=لسلاف عندك مـا يـدوّر جزاهـا
تر لجودي يمنـاك يـوم الرزيّـة=لا غطرفت لقدار بانـت عِزاتهـا
تر لجودي بنتـه تجيـك اجوديّـة=متربية علجود مـن فـي صِباهـا
يأتي ولدهـا مثـل صقـرٍ دويّـه=يخطف لحوم الطير باعلا سماهـا
عِـزّ الرفيـق وبـادره بالتحيّـة=فان الوجيه ايمانها مـن حياهـا
بعض الرفاقة ضيمته فـي حفيّـه=لو تنشرى ضيمة قريبـه شراهـا
فيهم سديد الـرأي كفـه سخيّـة=لجل الرَّفــَـق ماله وروحه سخاهـا
فيهم صليب الشور عنـد الدّعيّـة=وفيهم الي لـو حَضِيهـا شعاهـا
سِرْ بالنشاما في الديـار الخليّـة=مأمون لا تخشى الخطر في خلاها
إياك بنت الـلاش لوهـي صبيّـة=ترجع طبايعها لمـن قـد رباهـا
سِكين راعِ البيـت تِثْلِـم شبيّـه=وعيالها للخـال صـاروا شِباهـا
لا تِقْنـي الجربـا فلاهـي قنيّـة=خسران ما هو يرتبح مـن قناهـا
وان صادفك حظّك علـى لجنبيّـة=حافـظ عليهـا دُرّةِ فـي خِباهـا
ما ارتاح فـي دارٍ لغيـري بنيّـه=لو كـان ياقـوتٍ ولـولٍ بناهـا
وان كانت اوسع من مطار الحويّة=ما مثل داري ذي بنينـا حصاهـا
والنور في القيدوم ليلـة سريّـة=يمناه بالمسـراج تمسـك سِراهـا
تفرح بـه الجيـران والحاضويّـة=ويحطّ نفسـه دون رعـه فِداهـا
وان كان معقـودٍ يقـود السريّـة=عوّد على ربعـه يساعـد عِداهـا
ويقول ياكم كـان جـدّي وابويـه=خلاّ العوايـد والشـرارة طَفاهـا
كم حلّ في قلبه مـن العُنصريّـة=مثل البهيم الفاتحـة مـا قراهـا
تر في الرفاقـة سامـحٍ للخطيّـة=لوهي كما لجبـال خلفـه رماهـا
تلقاه في اليسرا وفـي المعسريّـة=والمقديـة مِتْلـزّمٍ فـي عُـراهـا
يعطيك مطلوبـك بنفـسٍ رضيّـة=تُعْرَفْ وجيه اهل الحيا من رضاها
الجيّد ايـلا حظـي عنـد الذّريّـة=غرس الجمايل يقتسم فـي ذراهـا
الوجـه معمـورٍ وكفّـه نـديّـة=خيله في الميـدان تأخـذ مداهـا
تر فيهم اللي شيمته مـن حِذيّـه=قسمه في الشرهات يقرب حِذاهـا
وان قِرّرت لثمـان يسـوى قليّـة=وان صادفته المقدية مـا عناهـا
وظلّ وجهه مثـل تالـي الوقيّـة=ويسابق الضيفان يأكـل عشاهـا
تر فيهـم الّـي حامـلٍ للأسيّـة=لو عاش قـرنٍ كامـلٍ مانساهـا
ينظـر لغيـره نظـرة المحقريّـة=والناس راته مثلمـا هـو يراهـا
مِتكبّـرٍ مـا يرتضـي بالوسيّـة=ومحقّـة الجيـران ظُلْـمٍ خذاهـا
لا يستحـي والاّ يخـاف الزريّـة=وان مدّّت أيدي الجود جودٍ زراهـا
بعض الرجـال اذا بلتـك البليّـة=دِرعٍ على الجنبين يِكسي عراهـا
متواضعٍ يمشي على ارضٍ وطيّـة=تسهل مطاليبـه وسهـلٍ قِضاهـا
من طاوع النفس اطمته في الهويّة=أمّـارةٍ بالسـوّ فاتـرك هـواهـا
هذي تجاريبـي وصـدق الرويّـة=من ذكرياتـي والطنينـي رواهـا
واخفي كثيرٍ من هجـوسٍ خفيّـة=أسرار ما نقـدر نبحّـث خفاهـا
نطلبـك ياربـي نفـوسٍ تقـيّـة=ماشابهـا ممّـا يعكّـر صَفـاهـا
تمّـت وعلمختـار سيـد البريّـة=صلّوا عدد مانبت على ارضٍ حياها[/poem]

[align=center]وســـلامـــتكم يــاكــرام[/align]