المشاركة الأصلية كتبت بواسطة طوق الياسمين
مرحبا خواتي كيف حالكم .. وش اخباركم ؟ طرحت الاخت بعيدة المدى موضوع في منتدى الحوار بعنوان / مدري ليه هذا البرود تتكلم فيه عن بعض الحريم عديمات الغيرة اللي يسيروا أو يطلعوا مشاويرهم ويتركوا شغالاتهم مع ازواجهم لوقت طويل وكأنها تسمح للشيطان أن يكون ثالثهما .! المهم يا اخوات أنا رديت عليها وكان هذا نص ردي : وردت الاخت بعيدة المدى علي : طبعا الاخت الغالية استغربت شكلها من ردي كيف أن في رجال يمنعون زوجاتهم من اخذ الشغالة والله يا اخوات أن هذي حقيقة واردة أنا اعرف وحدة زوجها راعي حركات يعني عيونه زايغة وتشك فيه أن له علاقات وكذا وتفاجأت أن زوجها طالب شغالة جميلة المحاسن وبيضاء وطولها كذا ووزنها كذا ، تقولون أنه بيتزوجها !! هذا طبعا في استبيان الطلب ، لكن المفاجأة الاكبر أن شغالتها قبل تجي السعودية ضربت ابرة منع الحمل اللي مفعولها 3 سنوات وهذي موضه طايحين فيها الشغالات الاندونيسيات من كم سنة ولما عرفت بهذي الموضه قررت تسأل شغالتها إذا هي من نفس الطقّة وقالت لها / طيب ليه ضربتي الابرة وانتي جاية السعودية ؟ قالت / مافي مشلة مدام >> وجهها عريض عرفت الحرمة أن شغالتها ماهي مضبوطة ، واحتمال يكون هذا ضمن شروط زوجها في الشغالة بس مادونوه بالاستبيان لعله قاله شفهي لصاحب مكتب الاستقدام .! وبعد فترة قرر زوجها قرار صارم أنها إذا طلعت من البيت لزيارة اهلها أو اهله أو مشوار ضروري للسوق وغيره ماتاخذ الشغالة وياها حاولت اقناعه بأن هذا عيب ومو زين بحقه قدام اهلها واهله لكن لا فائدة تصوروا أنه بعد تطورت حالته وصار يقول / إذا ودك تنامين عند اهلك ترى عادي نامي >>> مو زي زمان ممنوع تنامين عند اهلك بالويك إند اكيد وافقت بقوة لكن قال خلي الشغالة في البيت ، هنا ايقنت أن المزعوم يصرفها من البيت والحركة واضحة لكن استغل ثقتها فيه قررت الاخت وبكل ذكاء أن تقابل الخيانة اللي هي متيقنة منها وتشوف بعضا ًمن معالمها على وجهه ووجه الشغالة أن تزرع عدسات صغيرة لكاميرا المراقبة في بعض زوايا البيت وماخيب الله ظنها فيهم مقاطع قذرة اترفع عن ذكر تفاصيلها في مجلسكم المحترم وقتها طلعت كل اغراضها المهمة واتصلت بسائقهم يوصلها لبيت اهلها واتصلت بزوجها يوصلها لاهلها وهناك فضحته وطلبت الطلاق منه وبعد المماطلات طلقها بكل حسرة منه عليها ولا زالت تحتفظ بتلك المقاطع دليلا عليه لو طالبها باطفالها او وطوط حول بيتهم ! والله أن الرجال هذا مافيه خير والله اوقعه في شر اعماله ، الله يهدي رجالنا ويرزق الغير متزوجات برجال يتقون الله فيهم وآسفه على الإطالة والله يعطيكم العافية جميعا .!