لالالالالالالالالالالالا أنا زعلااااااااااااااااااانه مررررررررره مررررررررررررره
كل تالهروج والسواليف وما أحد دعاني أجي
فديتك يابنت الوادى أنتي الوحيدة اللي فقدتيني .
وترى فكرة إجتماع بنات الرياض فكرتي وبنت الوادي تشهد بذلك
في موضوع ملتقى الرجال .
والفكرة مرة رائعة لكن يابنات لا تتسرعوا هذا الأسبوع عشان نبي نعطي الفرصة لناس
بعيدين مرة ونفسهم يحضرون معنا وهي الأخت الغالية الراسية . قولوا إن شاء الله أنها تجي
والله يابنات أنها روعة ما أحد يمل من سواليفها خفيفة دم بقوه وسوف أتصل عليها وأشوف متى
ترغب في الجية للرياض لأنها بتبوك .
من ناحية كيف نعرف بعض فلا يهمكم أتركوا الموضوع هذا علي والحل هو كالتالي :
سوف أشتري شريحة جوال جديدة وأخصصها لهذا الموضوع وأرسل رقمها على كل واحدة منكم
وسوف نتواصل من خلال هذا الجوال وكل واحدة تصل لبوابة الملاهي تدق علي وأنا أوصف لها
مكان جلستنا وتجينا فيها .
هاه وش رأيكم في الفكرة هذه عاجبتكم أم لا أعطوني رأيكم .
باقي علينا الأتفاق في الأشياء التي سوف نأخذها معنا فهل ترغبون
أن يكون العشاء قطه ونشتري من الملاهي أم كل واحدة تسوي شي في البيت وتجيبه
أش الأفضل عندكم .
كمان لازم نتفق ناس تجيب شاهي ونعناع وزنجبيل
وناس تجيب قهوة وقشر عشان أمهاتنا بناخذهم معنا
وكذلك مجموعة تجيب حلا قهوة وتمر .
ومجموعة تجيب فطائر وموالح للشاهي .
عشان كذا الخميس هذا مايمدينا لازم أولاً الأتفاق على كل شي .
وأنا بأقول لكم من الأن سوف أجيب لكم أكلات من التراث تناسب إشرافي على التراث
سوف أجيب لكم خبزة مع السمن والعسل و ترمسين قهوة وقشر . وصينية حلا تشيز كيك طبعاً تشيز كيك مو
من التراث لكن مو مهم لأن مافيه أكله قديمه حلا قهوة .
يالله اللي بعدي وش تجيبين معك . واللي بعدك لاتجيب زيك يعني لا تكرر الطلبات إلا في الشاي والقهوة
مافي مانع تتكرر أما الحلا والفطائر فكل واحدة تجيب شي مختلف عن اللي قبلها .
يالله أبدأو بسم الله .