في حضرتك ياصاحبي تحضر الـروح
وتغيب عني ياالغضـي فـي غيابـك
.
ماكن قلبي الا على الصـاج مطـروح
يلهب على جمـر الغضـى والتهابـك
.
لو ما لعين الشوق نضـرات والمـوح
ماكان شابت نضرتـي فـي شبابـك
.
خذني بقايا شوق وانفـاس واجـروح
وعيـن يملاهـا مـلامـح سـرابـك
.
لو تختفي نبرات شوقي مـن البـوح
ذابـت معانـي لهفتـي فـي كتابـك
.
مالي بباقي الغيـد غايـه ومصلـوح
عمري بدى بك يالغضي وانتهى بـك
.
انت المليح اللي غلـب كـل مملـوح
وانت الدوى ياصاحبـي مـن عذابـك
.
وشمس قلبـي والبساتيـن والـدوح
وليل المنى والخافق اللي سـرى بـك
.
رسمه من الوان الشفق زانـة اللـوح
وروضً اخضر يرتوي مـن سحابـك
.
لفحه من الضي تطرد الليـل واتلـوح
وتكسف اقمار السمـاء مـن شهابـك
.
وفي عيوني لك مدينه لهـا اصـروح
والقلـب قصـرك والمعاليـق بابـك
.
في وصف غيرك راهج الصوت مبحوح
كـل الحـروف الابجديـه تهـابـك
.
جنبك تجـي كـل المزاييـن وتـروح
مايستـقـر الا لحـضـرة جنـابـك
كلمات/علي السبيه