الجادل اللي كنها مطلع النور
بسبابها حالي غدا في خطوره
قولو لها ماشخص الحال دكتور
الا مرض قلبه وذابت شعوره
وش عاد قلب(ن) بالغلا صار مدمور
ياهو يموت من الوله والحروره
لا تبتعد وتروح من دور لادور
منزالها فالقلب عليت سوره
بنيتها احساس وهواجيس واشعور
عطيتها في عالم الحب صوره
مزخرفه بالود والورد وازهور
كان فيها الكون فاحت عطوره
من شافني مجنون ياقال مسحور
يحزن على حالي ويبكي ضروره
الفكر والهوجاس والعقل ماسور
في قربها وردة زماني ونوره
لو تطلب اللي تطلبه قالت ماسور
لو ألف له مليون لفه ودوره
واللي يحب الزين لاشك معذور
عذره معه لو كان يبدي قصوره
لو قبلها نيران واجبال وابحور
لرقا جبال الزين وقطع بحوره
قولو لها تفدا لها الروح والحور
عاذل غلاها لا تسمع لشوره
لا لا تشيل الهم تاجي على الفور
ودي نختمها مع الناس فوره
في ذمتي مابور مابور مابور
لغليت غالي مايرى الا سروره
حطيتها فالراس والراس مشهور
مايحسب اسباع واسود ونموره
وكري فعولاته ولا يترك الدور
هدته تعرف لزمان وصقوره
هي هي الحزن لاشفتها ضل مقهور
ماعاد له درب(ن)يسهل عبوره
لا تكسر المشتاق ويموت مكسور
يكفي معاناة الزمان وكسوره