[امبراطورة زهران]

أشوفك ضايقن صدرك غضب زعلان لك مده.

على هونك عسى ماني سبب حزنه وضيقاته.


دخيلك وش بقى عندك ترى صبري وصل حده.

دخيلك مابقى فيني سوى قلبي ولوعاته.


تذكر وش بقى عندك تذكر والخطى بده.

تراني ما نسيت الأمس في جرحه وغلطاته.


ترى كلٍ يشيل من الهموم الجايره قده.

وأنا قلبي صبر شال وتحمل فوق غايته.


أبوي الطيب، وأنت، الهم خالك والردى جده.

تجاهلت الوفى والطيب من قلبي وفزعاته.


أنا ما همني لو الزمن كله وقف ضدي.

على المبدئ بدى عمري،على المبدي نهايته.



وسلامتكم

عجبني من كتاب شعر ونقلته لكم.