[poem=font="Simplified Arabic,6,black,bold,italic" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=ex num="0,black""]
أشوف الليل بعيوني حزين وفيه انـا سهـران=زوايا معتمه ظلمـه حقيقـة ماهـي بصـوره
أناظرللامور وخاطـري فـي دنيتـي حزنـان=من اللي للحقيقه مخفـي بيـن المـلا نـوره
يذوب العقل فيها والحيـاه تخلخـل الميـزان=تعب فيها حكيم الراي لو هو محكـمٍ شـوره
يقولون السياسيه بالزمن صارت هي العنـوان=وانا اقول السياسه ياعرب مليانـه اخطـوره
يضيع الحبر فيها والورق ما يقبـل الألـوان=وفيه ألوان ماتنفـع مـع الالـوان محشـوره
أنا لو قلت للراوي تعال يقـول انـا عطشـان=ولو يشرب قراح الماء ترى ما يشفي اغروره
اشوف إن الكلام يزيد والعاقل هـو الحيـران=مشاكل مالها تالي تجـي ثـوره بعـد ثـوره
انا لو جيت ابا انصح لأقرب الاصحاب والخلان=يصير النصح مثل اللي فقد لـه يـد مبتـوره
زمان اول يباع النصح نـاس ادوره باثمـان=ومن ينصح رجح عقله ويصبح كنه اسطـوره
ذبحنا وقتنا الحالي يضيع النصح عنـد فـلان=يقول ارجوك فارقني ترى الكلمات محظـوره
يقول إنه تجـاوز للنصايـح شامـخ البنيـان=مثل ذاك البليد اللـي مسـح بيديـه سبـوره
لكن ارجوك تفهمني وتعرف يا رفيـع الشـان=لا تنصح غير من يفهم وعارف بالزمـن دوره [/poem]
صح لساانك اخي محمد
حضور جميل
وحروف باسقه
موشحه بجمال مختلف
لقلبك ايات الشكر
لاعدمنااك