ازفر وفي قلبي كما وقع البراكين
والشباء حد السكاكين
على غريرن من صغر سني هويته
وين ماوجه لقيته
حبه سكن فالقلب وتخالط مع الدم
له قصورن ماتهدم
بنيتها له فالضماير وسط الانعاش
لو توفى داخلي عاش
اقفت به الاقدار ياحسبي عليها
ماهي والله من يديها
وعودت سرقه لنا في ليلن اعما
تشتكي من جور ضلما
قالت معاك القلب لو جسمي لغيرك
يابعير اسمع هديرك
وانا اتكوى واتلوى من غرامك
هايمه بك من هيامك
لزمت صمتي قالت اشبك ماتكلم
قلت خوفي اني أتحلم
قالت حقيقه قلت هاذي مثل الاحلام
التقي بك كل مانام
قالت وانا مثلك وهذا اللي حداني
شوقك وحبك وطاني
ماجبت عنوانك بعد طول الغيابي
الا من زود العذابي
وقلت لو انك تحبيني حقيقه
كان شفتي لك طريقه
قالت على ايدك قلت لو فاليد حيله
تشره اعليه القبيله
وانا كفاني اللي تجرعته ع شانك
غير دليني مكانك
يمكن مع الايام فرصه واغتنمها
من يديك القى زمنها
قالت مصير الوقت يجمعنا بليله
ودع ذاك الله يحيله
شفني بعد ماشلت وادعي منه ماشيل
عيشتي وياه تضليل
واقسم برب البيت يحسين المعنى
اني غيرك ماتمنا
اني معه ياعاشقي جسم(ن)بلا روح
ماهو شف(ن)لي ولا اطموح
قلت اسكتي لاعاد تزيدين المواجع
اقطعي دون الموادع
اخاف حد يلقاك وانتي لي تبكين
وانا لك ياكامل الزين
قالت لها أمل واتمنى بس واصل
قلت كسرت المفاصل
وانهيت والميعاد باقي في محله