أنا بعطيك العلوم بس ابي الرد
[justify] [/justify][justify][/justify][justify]
السلام عليكم كيف الحال طيبين كيف العربان والجماعه كلكم بخير والله ابد قلنا نزوركم ونسلم عليكم وناخذ بكم عهد ونعطيكم العلوم والاخبار يالله حيه عطنا علومك.
[overline] [/overline][overline][/overline][overline][/overline]
[overline]
والله في ذاك الديره(حليه)باعلام الستيره الديار كما الديار والله الستار لامريض ولاعريض لانغدي بعيد ولانتقفى علم جديد ابشرك في نعمه وخير الاولا د والاهل كلهم طيبين والجماعه بخير من عافاه الله سالم الاسواق متقاربه اسعارها ومتفاوته في كل ناحيه والحلال زاد سعره الذبيحه الي تنذبح لضيف واحد ماتشتريها اقل من 600ريال ولكن ماعلى اهل الحلال شرهه الشعير والبرسيم غالي وهم تعبانين فيه واحده تموت وواحده تعيش والله يرزقهم واما عن البلاد فابشرك جانا امطار وسيول ولله الحمد والحصاحص شربت واما المدير فمحرفه مكسور وكل واحد من الجماعه يقول انا مشغول وتعرفين المال المشروك متروك واما عن بلاد الشيخ فهي جاها سمله خفيفه وشربت واما عن بلاد بن كعلول والله ماطوفتها مادري شربت والالا وبلاد باقي الجماعه ماجيك بخبرعنها لكن يجي خير ان شاءالله ولكن اليوم البلاد اهلها ماعاد يبغونها الا ان كان الواحد عنده حلال يبغي علف والا يزرعها حسنه للطير تاكل منها ولكن لو تنقلب الدنيا والله ليرجعون لها اهلها وخاصه الي في المدن يجون يتجارون لها ولكن النعم هذي اليوم خلت الناس حتى ينسون بعضهم بعض والله عاد فيها والله باقيها هذا من بد الاخبار والاعلام الي ترون وتشوفون ولاشي من الفينات الا بقاكم
[/overline]
[/justify]