قام محمد نور بقيادة النمور وضربهم في أسفل التنور
بوشا زعل من الكورة وقام يشوت الماصورة
كريري ونور سووا حيطة قلبوها زيطة وزمبليطة
أما الكوري جاله فاول شات بقوة بدون مايناول
حطها وسط الباب وثارت عندي الأعصاب
وأقوم واكسر التلفزيون والحق عليه التلفون
صاحت عليه أم سعيد والله ما ينفعونك ذا
تبغى تكسر بيتنا ليتك في العمل ما جيتنا
و اتزاعم أنا والمرة والله لخذتني مسخرة
وأندرت أصلي العصر والأوضاع متوترة ماتسر
جلست شويه في المسجد قابلت جاري ابو ماجد
قال ماهي بالعادة كل يوم تاجيني في سعادة
وشبك اليوم معبس ومقشع راسك ماتلبس
واعلمه بالقصة قال مامعك من عقلك نصه
أهل العقول في راحة وأنت تدور القباحة
لو ضغطك أرتفع وضرب عرقك وانفقع
والله يا الكورة ما تنفعك ولو مت ما تتبعك
يوم هزني بكلامه أنقشع عني مثل الغمامة
كني دوبي صحيت من النوم وانا مع من اليوم
تعوذت من الشيطان ورجعت البيت وأنا ندمان
تعذرت من أم سعيد قلت بشتري تلفزون جديد
المهم فكرت في قصتي وضحكت على خيبتي
خسرت شوية دراهم قطعت قلبي من الهم
وحلفت ما أعيد الكرة لأنها جابت لي الحرة
تبغى علومك تزين لا تتابع دوري زين
شوف الدوري الأوربي يعجبك وأقسم بربي
وسلامتكم
الثميدي