[غربة مشاعر]

[poem=font="Simplified Arabic,6,darkred,bold,italic" bkcolor="transparent" bkimage="" border="double,4,teal" type=0 line=0 align=center use=ex num="0,black""]
بديت بسم الله رب الجلالي=اللي فرش سبعن وسبعن رفعها
الواحد اللي بالسموات عالي=حتى دبيب النمل حن وسمعها
اشكي علية الحال مما جرالي=والنفس في عز الخلايق فجعها
ابكي ودمع العين بالخد سالي=يوم الخلايق كل طرفن هجعها
على فقيد الدار ياعز غالي=مصيبــــتي ياكبرها ياشنــــعها
يابوي من عقبك جفتنا الليالي=والناس شانت في بناتك طبعها
يابوي من عقبك لبسنا السمالي=وصدورنا بانت خلاجن قطعها
يرحمك ياشيخن بذيك الرمالي=هذي مقاديرن وربي شرعها
بنتك ترى يابوي بنت الرجالي=على الكرم والجود ربي صنعها
ربي جمع فيها جميع الخصالي=متميزة بالعقل ماحلا ستعها
وصلاه ربي عد هب الشمالي=وعد الجباه اللي لربي نضعها
وعد الحصى في نايفات الجبالي=على اللذي يوم القيامة شفعها[/poem]

بقلمي/غربة مشاعر