[عبدالله الطنيني]

السلام عليكم ورحمة الله وبركاته

أرواحنا وكلما نملك فداءً لوطننا الغالي ، أعزّه الله بالنصر والإيمان ، تحت راية التوحيد

وقيادة حبيب الشعب - خادم الحرمين الشريفين - الملك عبد الله بن عبد العزيز حفظه الله

(ترجع لصعدة تقل يا ناس دلوني )

[poem=font="Simplified Arabic,6,darkred,bold,normal" bkcolor="skyblue" bkimage="" border="groove,4,green" type=2 line=0 align=center use=ex num="0,black""]
يالله طلبناك فِ الغفـران والعـونِ=هبنا على منهج القـرآن وهدايـة
من يوم جانا الخبر بيّحت مكنونـي=بعض الخفافيش في دخان غزّايـة
كلٌ يقل في جبـل دخّـان ودّونـي=أموت دون الوطن وآحقق امنايـه
خسئت يالحوثي المتسلـل الدونـي=من دون حدّ السعودي قصِّر الغايـة
ما جابك الا القدر وتموت في هونِ=متخفّيٍ كالنسـاء بشـوال وعْبايـة
إن كنت للحرب شفقـانٍ ومفتـونِ=لا تحسب الرايحة يالنـذل كالجايـة
الجاية اللي عليكم شوهـة اللـونِ=حربٍ ضروسٍ لها بدوات ونهايـة
تبدي عليكم لهـا تكتيـك وفنـونِ=تجليك عن حدّنا وتنصّـب الرايـة
أكيد مـا جـرّك الاّ حقـد مدفـونِ=يقسى عليك الزمان وتطلب ارضاية
أنت العدو بايق الجيـرة وملعـونِ=عليك شدّ الرَّحـَـلْ والحبـل والشّايـة
متشيّعٍ خـارج الملّـة وماسونـي=قابلت من هم لنار الحـرب وشّايـة
ما بين نار السما صاغر ومرهـونِ=وبيـن مدفـع ورشّـاشٍ ورمّايـة
حنا حماة الوطن يالمـارق الدونـي=ياللي لربع الخميني تنشر ادعايـة
ترجع ذليلٍ تقل يـا نـاس دلّونـي=ضيّعت صعْدة وانا عن دربها تايـه
حنا بنهج الهدا واضـح ومسنـونِ=حنا على سنّـة المختـار مشّايـة
في جيشنا المنتصر ما خاب مظنوني=عليه حفظٍ من الرحمـن ورعايـة
تبقى البلاد الحبيبة داخل اعيونـي=ويلا قذاها العدو ضحّيـت بعْدايـه [/poem]

حقوقنا محفوظة حفظكم الله

وسلامتكم يا كرام