رد: تم افتتاح مجالس نسيم الشعبية تفضلوا ....
وش تيه الهروج يالعندليب ؟!
تدري ليه بنات هذا الزمان تغيروا عن حريم اول ؟
لأن الرجال بعد تغيروا .. أو أن الزمن يوم تغير غير الرجال والحريم معا ً
زمان ماكان الرجال يعيرون زوجاتهم بالممثلات والمغنيات في التلفزيون اللي كل جمالهم صبغات ومكياج
وكانوا يقنعون باليسير من زينة النساء وهي العطر والدهن والكحل فقط
اما الحين الحريم يتنافسون في المشاغل والزينة وقصات الشعر عشان ترضي غرور زوجها بها
اصلا يوم خطبها خطبها عشان جمالها واهتمامها بشياكتها مو مثل ابوه اللي خطب امه عشانها غلّه في البيت والوادي
وتدري ليه تطلب شغالة ؟
لانها ضعيفة ماتلحق على الضيعه وتزيين نفسها لزوجها .. زمان ماهمه الا بطنه والوادي وعياله يشبعون
اما الحين يقول والله لو مااجي والبيت مرتب وانتي في اكمل زينتك وعيالك في اجمل طلة لاتزوج عليك
اجل يجيب لها شغالة تهتم بترتيب البيت وتنظيف ملابس الاولاد عشان تلحق الزوجه تطبخ له وتتزين له
لا تنسى أن اطفال زمان كعشهم نافرة وثيابهم وسخه وماتفرق عند الاب
ولا تنسى أن البيت زمان سفل وجرين وغرفة يرقدون وياكلون فيها
والحين اصغر شقة فيها ثلاث غرف ومليانه كنبات وتحف وريموتات عشان يطالع الزوج الحبيب الغلايم في التلفزيون
ولا جا من العمل مالقي الريموت اظنه يطلق مرته ذيك الليلة
خلنا واقعيين .. الرجال حتى هم تغيروا وتغيرت متطلباتهم .. حتى اولوياتهم في الحياة تغيرت ماعاد يدري
وش ياخذ من الدنيا وش يخلي .. بعضهم يتسلف ويشتري له سيارة بالاقساط ويطيح بالديون
كلها عشان يتزوج على زوجته لو بالمسيار ويفاخر قدام زملاه ان عنده زوجتين حلوات .. بدل ما يأمن مستقبل عياله ببيت ملك .!
العندليب
برحابة صدر .. برحابة صدر
مجرد تعقيب لرجال اليوم .!
وشكرا
ـــــــــــــــــــــــــــــــــــــ
|