[العرنين]

لك يا جبل العرنين مكانة خاصه ولكن هذا الصيف كان الواقع يختلف
.
[frame="7 80"]لو ثرى العرنين ورّد
والتحف غيمه وتلبد
وافتكر خطوات رجلي
في ظلام الليل الاسود
كان ناداني بلهفه
يا عشيري لاتصدد
الليالي اللي اجمعتنا
مالها نيه تجدد
***************
ياثرى العرنين وينه
حلم رافقني تبدد
كم حضنته في عيوني
واحتضن صدري وتوسد
كم سريت الليل عاني
والسكك تقفي وتبعّد
الشقا اعتدته ولكن
وش يفيد اللي تعود
*****************
يا ثرى العرنين باقي
بالحشا همٍ تمرد
ليتني ما كنت شلته
للذي جرحي تعمد
ليتني ماكنت شفته
ولا لضا شوقي توقد
****************
ليتني ياليت لكن
الامل ضاع وتشرد
واصبحت كل الحقايق
في نظر عيني تجرد
مثل ثوبك ياونيسي
في الزمان اللي تنكد
لا رعد لابرق يرجا
ولازمان الغيث عوّد
****************
يا ثرى العرنين يكفي
عن مكاني لاتنشد
لاسحابة غيث جادت
ولا ثراك اليوم ورّد[/frame]