[صالح بن فارس]

(1)


راح أغيــب
ليه ؟!
ما ادري !
بس بغيــب
والهي شروقي بلونك
فـ المغيب
يمكن ألقاك .. بغيابي !
يمكن أشفيك بعذابي
يمكن إنه قلبك الوافي
أروح .. وما درا بي !!
شي رهيـــب
يوم افكر بس
إني راح أغيــــب !

(2)

كيف أغيب
وانا كل ما احاول ارحل
أسبق .. خطاي واجيك !
وانا حتى نبض قلبي
شقق .. ظلوعي عليك !
وانا كل ما اقسى واطعن
يندمي قلبي العطيب !
شي رهيب
يوم افكر بس اني راح أغيب !

(3)

حط نفسك في مكاني
وعيش لحظات بزماني
جرب انسى
حن واقسى ..
وحس بي قد ايش أعاني !
وخلني أبعد قريب ..
وإلا أقرب من بعيد
إنت بيدينك تجيب ..
ورد ورساله بطيب
وانا بيديني هديه
قلب لك .. ما عاد ليّه !!
خذه بس لا لا .. تغيب !

(4)

شي عجيب
يا قسا قلبي وحناني
شي عجيب
طاب لي قلب ٍ يعاني
من حبيب
ينزف الأشواق في حبه
ويضمده النحيب !
لا تجيب ..
لو سألك البعد مره
عن قريب
كم مللت الرد هذا :
إن كتبتك ليه ؟!
ماذا ؟!
وما حصل لي من يجيب ..
لا ترد أرجوك تكفى ..
دام ما غيرك حبيب !
لا تجيب ..
أرجوك لا لا .. لا تجيب !

(5)

آآه ما اقسى الشوق
بعيون الغريب
لا حضر يوم الغياب
جمّد احساسي وذااااااب
خلا كل شي في حياتي
بُعد .. تجريح .. وعتاااااب
آآآآه يا أبعد قريب
آآآه يا أغرب حبيب
والله إنه
شي رهيب

لو تفكر

بس

يوم

انك

تغيب !