[الســرف]

ياقلب

واقف على مفرق دروبي وطال الوقوف
أحاول امشي واقدّم رِجل واردّها

أحاول آخذ قرار ولالقيت الحروف
كم كلمةٍ ودها تطلع ولاودها

أشعر وافكر وادوّر حل واسمع واشوف
لكنها الحيره اللي واصله حدها

ياقلبي اللي تعبت وحاصرتك الظروف
تبني صروحٍ من الأحلام وتهدها

صدّقت حلمك ومن حوله رسمت الطيوف
صوره توهمتها مافي البشر قدها

سود العيون النواعس موردات الحتوف
الموت في لدّها والموت في صدها

والخال في خدها تذبح عليه الحسوف
والليل في شعرها واللين في قدها

والبسمه اللي على مثلك تسل السيوف
ياكم سيوفٍ جرى دمك على حدها

كم لك ترجّى سراب ولامليت الكفوف
ترجع كفوفك بلاش وترجع تمدها

إصحى من احلامك اللي في خيالك تطوف
هذيك ماتت..ومات الخال في خدها