[الراس الصغير]

السالفه هي عندما كنت اتعلم السواقه
ونصيحه قبل ما تقراء القصة طفي النور اللي عندك وخليه على نور خافت ولو تصير لحالك وتقفل ابواب الغرفه
يكون احسن


ولو تبعد البزوره عنك وازعاجهم يكون افضل لك عشان تستفيد من العلاج

لاني بادخلك في سالفه يمكن انك تضحك او يمكن انه يجيك حالة هيجان من البكاء

خلاص جاهزين


طفيتم الانوار وقفلتم الستاير

ولحالك مافيه احد عندك

يلا ببداء

قبل الحديث تمدد الله يخليك السالفه طويلة بس تحملوني سويعات بس وتنتهي مرحلة العلاج
ها خلك معي لا تزوغ لا هنا ولا هناك ركز الله يخليك

السالفه يا طويل العمر..
موقف طريف بغى يصيف عقلي ... ايام كنت اتعلم السواقه مع الوالد الله يحفظه ويخليه..



خلوني ابداء القصة ......


امهم كنت ادرس اول متوسط ...وكان ابي يعلمني قيادة الطياره ..آسف السيارة اسبوعياً...
اذا ندرنا نصلي صلاة الجمعه في الباحه ...
بعد الصلاة يمرعلى الملعب الكبير الذي كان
ماعلينا،كان يعطيني السيارة واجلس ادور بها واحوم بها في الملعب وفي نمرة واحده ما اعشق أبد أبد....
في الثاني تضلي السيارة حنمتها تقول صوت حراثه تحرث في ركيبه عثري
ويجلس الوالد يعلمني كيف اتفنن في قيادة المركبه ..بداية من التشغيل
وكان اخس شي واصعب شي عندي اذا قال لي يلا يلا ريوس....اقلك ريوس
اقول له مقدر ذاحين خلها بعدين
خلني اعرف اسوق قدام


وبعد
صار هذا كل اسبوع ادور واحوم بالملعب والقائد جالس بجانبي .. حفظه الله ورعاه ...
الى ان جاء يوم من الايام

وطلعنا من رهوة البر وتعرفون النفق الذي بعد المستشفى طريق بيضان
ووقف ابي السيارة قبل النفق
واعطاني السيارة ( وانا في قمة سعادتي اني باسوق
قال يالله يابطل سوق وانتبه من الطريق

جأني نفاضة وخوف غريب ..لاني اول مرة استلم الطاره على خط زفلت ..العاده دايماً على جلد (خط تراب ) تراب في وجه العدؤ...
انا اول مرة اسوق في طريق زفلت

كان هناك عمال يعملون صيانه للطريق عند النفق وسدوا النفق وفتحوا خط تحويله من جنب النفق بالدركتل
المهم سقت ووصلت وانحرفت يمين مع التحويله وانا استفتحت الخط اول واحد يدخل من التحويله وكانت التحويله غير ممهده باقي توهم فتحوها

واثر الخط كله حصى منثره تيك الصابات ( يعني اللي يشوف الحصى يجنب عنها أو يوقف لحد ما يشيلونها العمال .
باقي الدركتل يمسح وشي عمال في الخط يشيلون الحصي ويعملون ترتيب ..
انا اسوق وطبعا في النمره الثانيه عشان ما تنطفي الطياره ..اقصد السياره
وامشي وشايل هم الحصى لا ازيد اطلع بالسياره فوقها

وفعلا تركبت الحصى وما اسمع الا اصوات ..طربق طربق طربق صوت واصوات
تحت السياره وانا مكشخ مره وكاني راكب بي ام دبليو
قلت لاااااااااااااااااا الكارتير انفقع او شي ابينفقع بس يا الله سترك

وابي يقول وقف ، وقف ، وانا ماشي وكاني ما اسمع فاغرن فمي ومركز في الخط يا عمي
وما همني الا قلت اذا وقفت في سيارات من خلفي ....ابتصدمني خلني اواصل المسيرة بس
الوالد يقول وقف على جنب

وانا مواصل تركبت الحصى الكبار كلها ...اقلكم ماخليت حجر ما ركبت فوقه
وغضب الوالد مني لاني لم اووقف السيارة وصار يخطفني بشماله ومافي الا تكفيخ على الوجه وققققففف اقلك وقففف يا..يا... وهاتك وانا اسوق والعمال يطالعون فينا ويضحكون على شكلي وانا استقبل الكفوف والتكفيخ

طبعا الوالد وهذي فرصته انا اسوق وهوه يهبد لين قال .. وقف يا 0000
وقف ... وانا طيب طيب

وآمشي شوي واوقف الطياره الله لا يعيدها من رحلة

وقفت السياره وأسحب جلنط ..يعني اني فاهم اسلوب الوقوف الصحيح ههههههههههه
... ويا الهي ماذا حصل
وينزل القايد ومساعده من السيارة يتفقدان المركبه امحق راحت في ابو نكله من تحت هههههههه
انطعج الكارتير وزين ما انفقع والا صارت علوم

قال والله ما معك قلبن واخذ العقال ويلسعنيه و مطارده حول السياره
ماتشوفون انا متولع بالمطارده احبها من صغرتيه هههههههه
انا اخترعت قلت ذيه ابيذبحنيه هنيه جوف الوادي


البابا شاف اني خفت وبكيت وقال اركب اركب و لله ما منك فايدة....
وركبنا السيارة وهوه يمارينيه ويقول ( سفان الناس تعلموا وانته ماتعلمت لو كان حمارن امداه تعلم
وقلت وانا ابكي
والله ما ازيد اسوق والله ما ازيد اسوقها..قال احسن ما قلت


وبعدما سافر الوالد
..اظطريت اني اتعلم السواقه وتعلمت والحمد لله ( حلوه اظطريت دايماً استخدمها والا ايش رايكم فيها )
وباقي اعلمكم بقصه ثانيه عن السواقه...قريبا

و بس انتهت القصة اللي ما انساها لو يركبون لي راس جديد