مساء الـ (إيش) !
والـ مــدري
وضرب الآه
في صــدري
مساء ملخبط بتشويش
وثلجه تحترق بدري
وشمعه جمّدت بالصيف!
تدور ساعة الراحه
على أوتار(لقمة عيش)
مسائن ينغرس بدري
ولاأدري!
اذا صار البكا حقله
أو الونــّات بستانه!
وانا انزف!!
واحاول أختلق (تطنيش)!
مسائن تنتشل أرضي
رواياته
مسائن تملى اوراقي
حكاياته!
مسمّاها:
* حروب وجيش
* معاني (ليش)
وطيرٍ في بقايا ريش!
على الأغصان يترنّم
وبالأوجاع يتهدّم
واذا مر الهوى يمّه
كأنه شافها أمّه
وتلمح للهنا عينه
وفي لحظات يتلاشى!
ويرجع في بقايا هم!
ويرجع للأسى يضمّه
:
مسائي ينكسر بشويش!
كذا: ب ش و ي ش
:
مسائن صاروا اطفاله
بلا مأوى..
ضحايا طيش!
وانا انزف!!
واحاول أختلق (تطنيش)!