[روعه]

مسائكم / صباحكم ورد وكادي ..
اخواتي اسأل الله العظيم ان يتقبل منا ومنكم صالح الاعمال وان يحفظ حجاج بيت الله من كل سؤ ومكروه وان يغفر لشهدائنا الابطال انه قادر على كل شيئ وكل عام وانتم الى الله اقرب ..
وصفتنا معمول العيد هش جدا وعلى ضمانتي بنجاحه معاك بإذن الله من اول مره وراح تعتمديه على طول ودعواتكم لاني تعبت في الموضوع واللي يحتوي على 40 صوره للتوضيح عشانكم يالغوالي ..
نبدء بالمقادير والطريقه حبيباتي :
كوب سمنه قودي + فنجان قهوه زيت + فنجان قهوه سكر بودره + 3 ملاعق حليب بودره مليانه شوي + بيضه وحده + بهارات معمول + يانسون حب + 1ملعقه بيكنغ باودر + 3 اكواب دقيق كويتي + معجون تمر للحشوه
وهنا الصوره توضح لكم المقادير مع بعض طبعا زوجي الله يهديه طلبته حبه بيضه من الثلاجه راح جايب بيضتين وحطهم مع الاغراض بدون ما انتبه فانتو لاتحطون الا بيضه وحده بس ...

هنا الصوره توضح لكم المقاسات اللي راح نستخدمهم طبعا الفنجان الفخاري اللي في الصوره اكبر شوي من الفناجين المعتاده يعني اللي ماعندها هالفنجان تستخدم العادي بس تضيف تقريبا ملعقتين اكل من كل مقدار سواء السكر او الزيت على الفنجان العادي

وهنا لبسنا الكوب غلاف السولوفان عشان تخرج معانا السمنه بكل سهوله وكمان مقياس للدقيق يبقى الكوب نظيف وحطيت السمنه فيه

وهنا لاحظتو كيف خرجنا السمنه بكل سهوله وضمنا ان كلها خرجت معانا بدون بقايا في الكوب

هنا نحطها في العجانه ونستخدم المضرب السلك اللي في الصوره و اللي ماعندها العجانه تخفق بالمضرب اليدوي


هذا مقدار الزيت

نضيفه على السمنه ونخفق لمده دقيقتين

وهنا نضيف البيضه وبهارات المعمول واليانسون الحب ونخفقهم

وهنا صارو بعد الخفق

هذا مقدار السكر البودره انا استخدمت الجاهز افضل في النتيجه

وهنا نضيف السكر للخليط السابق

وهذا مقدار الحليب بملعقه الاكل

وهنا السكر والحليب مع الخليط ونخلط دقيقتين

نغير السلك الحديدي بشنكار العجين اللي موجود في الصوره ومعاه مقدار الدقيق بنفس كوب السمنه

هنا اضفنا الدقيق