[نسيم السروات]

اقتباس: المشاركة الأصلية كتبت بواسطة الراس الصغير      بسم الله عند سدة المجلس آتنحنح احم احم ياعرب اللي داخل يقول ارحب اقلط انا اقول السلام علبكم يردون وعليكم السلام ومرحبا تراحيب المطر عده في تاك الحده واقعد وجلست في الحده ويباشرون عليه بالقهوة ( بن محموس ومطحون من شداء خصيصا للراس الصغير عاد انا اتقهواء وأكلت من تمرن قدموه لي ولحست اصابعي وقلت كيف حالكم يا الرفاقه قالوا الله يحييك بخير كلنا بشرنا عنك وعن صحتك قلت بخير الله يسلمكم ها معي لكم هرجه وابغيكم تسمعونها فانا كنت في الوادي ومريت من عند الابيار وشفت حواليها عقشان وقلت ابغيكم بكره نسرح سوى نحش العقش ومنها ننثل الابيار من زمان ماحد قد نثلها قالوا ابشر قلت ها خلاص بكره بدري نسرح وفي الصبح بعد الصلاة اجتمعنا عن المسيد وسرحنا كلن بمحشه وزنبيله ومسحاته اخذنا معنا حبال كثيره وصلنا عند البير وقشينا العقشان وندر ثلاثة مطاليق داخل البير ينثلونه وناس فوق البير ونثلنا البير ونفضنا الغبار عن ملابسنا ورحنا نتفيا تحت عرعره نتفاول كان الفال تيك الخبزه ومعها طاسة معرق أحمروطاسة سمن وقليم لحم وتفاولنا وشربنا ذاك الشاهي تلقيمه ورحنا البيت

الله يعبا لك عافية يالراس الصغير كل تيه االضيعة سويتها اليوم يجعل الله بي عنك وعن اللي معك والفطور اللي كلتوه

الخبزة والمعرق والسمن والشاهي أهي من عنديه أرسلتها لكم مع ولديه عطية الله يصلحة عاصيا غصبن جابها لكم

يقول معينية أروح عند الرأس الصغير أخرع من راسة صغير(ن) قلت له أفلح يالمغزول رأسه ماهو صغير مهلا أسمه كذيه

وراح وهو يتراقف من الخوف يحسبني أتضحك به المقرون الصلاح من الله .

كل خبزتك وأشرب المرقه تقوي عظامك وكل لحمتك.







واشرب الشاهي اللي سويناه على الفحم كما دم الغزال .




وهذه عائلة الرأس الصغير دخلتهم معي في مجلس النساء لأنهم ضيوف جو مع أبوهم .


وقدمت لهم كل شي شوفوا ذا الولد الصغير اللي يدنن ياناس يازينة وهو أخر سفان الرأس الصغير من مرته جراده

وأسمة الرأس الكبيرههههههههههه بعكس أبوه .



وتاك البنت الغلة بنته من مرته خضراء .






حياك الله يارأس الصغير شرفت مجلسنا وكلما أشتهيت الخبزة والمرقة توجه لمجلسنا وأبشر بسعدك


وألف شكر على زيارتك .