[poem=font="Arial,7,black,bold,italic" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=ex num="0,black""]
يالله يالله طلبتـك ياعظيـم وعالـي الشـان=ياخالق الكون بامرك من عـدم تحفـظ بلدنـا
وتنصر الي على نهج الهدى في كـل ميـدان=الي يصدون كيـد الجاهليـن ومـن حسدنـا
جيش السعوديه الي دون حـد الـدار صـوان=يقدم ارواح فـدوه للوطـن وارضـى ولدنـا
جنود دون ارضهم ماهمهـم ناعـق وغربـان=يـوم انتخاهـم ولـي الامـر ماقالـو قعدنـا
قامو كما قومة الامواج لاجت فـوق طوفـان=تدك كـل الحصـون الخاينـه ماقـد سجدنـا
اولادنا فوق روس الخلق قحطانـي وعدنـان=ماشرف ارض العرب غير الحجاز ومن نجدنـا
الحوثي الفارسي ماهوب كفو اصحاب الاكفان=الي على اكفوفهم بارواحهـم صانـو عهدنـا
خسئت يالجائع العـاري وياراعـي التخـزان=ماتاطى لارض الشريفه كم لغيرك قد صمدنـا
احلامك الي بناها لك من اهل السحر شيطـان=رب الفلق قـد كفانـا شـر مافيهـا وعدنـا
يامشعل الحرب لاجل اطماع ليه تسوق الاحزان=غرك وساويس مـن دسـوك للفتنـه وتدنـا
ديار ابو متعب الله صانها مـن كيـد طمعـان=على الشريعه ورب البيـت حاميهـا وشهدنـا
ديار ماداسها المحتل زهـره فـوق الاوطـان=مير الخلاء يامزمر مانت من يسلـب سعدنـا
انت اجنبي حل في صنعاء وخربهـا بصلبـان=زودت فقـر البـلاد ونيتـك تخـرب رغدنـا
لكن جيش الاسود الي يقـوده ولـد سلطـان=اسقاك مـن علقـم الذلـه وعنكـم مانشدنـا
سلمت ياجيش يجتث العـدو لاصـاح ونـان=يبكي الحويثي علـى قتـلاه واسلـم يابلدنـا [/poem]
صح لساانك شاعرنا
كتبت فأبدعت
واستمتعنا نحن برقي الحرف
عذرآ لقلبك يبدو ان هناك خلل ما في
عدم ظهور القصيده وبما انني تشرفت بقرائتها
في غير هذا المكان رآيت ان اضعها هنا لنستمتع
بروعتها
اينما تكون لقلبك كل التحايا
لاعدمنااك