[آمـيرهـ بآح ــساسي]

بسم الله الرحمن الرحيم
قد كتب عليكم ربي وسكنتوا قريب من مدرسة عيال ابتدائي ؟
إذا الجواب لا فاحمدوا ربكم وابلعوا العافية أما إذا الجواب نعم فيسرني تعزيتكم
في مصايب الأذن الوسطى والغربية والشمالية والجنوبية والشرقية وكل جزء متشنج في شحومكم او عصاقيلكم
سبحان الله اعظم مصيبة في الحياة يوم تبتشلون بورعان الواحد طول ساقك والله لايبلانا
عليه لسان طوله مرتين
قدر الله وماشاء فعل ؛ انه يكون بيتنا قريب من مدرسة عيال ابتدائي <<زود على الشين علة وين بنوديها هذي ؟
الله لايوريكم اليوم الساعة 8.15 عندهم حصة رياضة << صرت أعرف جدولهم
الرياضة هذي فاهمين ابو جدها غلط
تصدقون اني ماعاد باقي إلا ألبس لبس رياضة وأروح معهم عساس أشاركهم من زود الصوت حسيت انهم عندي !! ابو القلق للي يبي يرقد
طبعاً ولا يخفى حضراتكم القول الهدف
آآآه بس وش أقووول
ماتسمع إلا هييييييييييييييييييييييه قووووووووووووووووووووول
عاد اختكم في الله أقعد اناقز من الفرحة <<قلة الحيله وش أسوي ؟
طبعاً الصوت صوت رقيق جدا لدرجة كأنه قار مصبوب في أذنك !
لا وبعد لو تبغون مؤثرات طبيعية تعالوا عندنا بالبيت
يعني مؤثرات بلاش
تصدقون من تأثري بهم حياتي كلها صارت فاول وبلنتي وضربة جزاء وحارس ومهاجم ..إلخ
أشك بيجيني حالة انفصام شخصية بسببهم فلا تلوموني أبد إذا فزعت من النوم أصيح هدف هدف هدف

عاد لا تصدقون بغيت أروح للمدرسة أخطب مدرس الرياضة عساس المرة الجاية ألعب معهم
ولا اكتفي بعادتي ان أشجع من فوق سطح بيتنا المصون يعني وش زودهم عني فروخ إبليس هالورعان !!

والأهم واللي مااقدر عليه يعذبني بقوووة الإذاعة
وش عندهم إذاعة البي بي سي ؟
بس ماراح أعطيكم كثير من هذرتهم الي ماله سنع إلا شيء واحد مهم
إن النشيد الصباحي لازم واحد ينشد ووراه جماعه
وياعين لاتبكين لا صار حظك ردي !!
خلاص قررت اشتكي وزارة الخدمة البلدية تجي تقش هالمبزره عني خرجت من طوري خلاص
وبعد اقترح على وزارة التربية مرة ثانية إذا بتبني مدرسة رجاء يخلون حولها براحه عساس مايوذون الضعوف
اودعكم على حصة رياضة وطلعة وورعان قالبين هدومهم عساس يعلمونا أنهم لاعبين
كانت معكم بنت الوادي من بيتهم اللي جنب مدرسة عيال لا بارك الله في اللي جمعهم عندنا
وسلامتكم