[الراقية]

من فينا وماكان مرجوج ايام المدرسة او الجامعة " استثني من حديثي الدوافير و المتفوقين " ( تصدقون مع اني كنت مرجوجه بس كنت الاولى الين الثانوي ... يمكن لان مخي نظيف "
الفكرة اللي كان عنده رجه وحاب يشاركنا فيها يقلط حياه الله بديوانية" الراجية للمراجيج " يقط رجته عندنا وياخذ قهوته ويقضب الباب الله لايهينه لان ماعندي عشى تراني عاطلة دوبني متخرجة ما بعد صرت من اصحاب القرنقشات

ملحوظه: الرجه تقبل من كل المراحل الدراسية الا الروضه لا يقعد يهايط علينا مافيها رجه الا الحلوى والعصير ومحو الامية لان مابها غير كيف سويتي البسبوسه والهريس ....

مثلا اذكر بالمتوسطة كنا وانا وصديقاتي مراجيج مو طبيعين رجتنا جت على بلاط المدرسة نموت ونتزحلق عليه وانا "الله يكرمكم " شريت شوز خصيصا لها للعبة ومانصدق فرصة خمس دقايق الا نقزنا وتزحلقنا ...... مع ان مديرتا كانت مثل الانسة منشن بس عاد رجه جت في راسنا ونبي نطلعها .........
ومرة من المراريت كنت ازحلق ببلاط المدرسة واحنا نتسكع في الأسياب وجتنا المدرسة وخفنا تهاوشنا ليه نطلع من الفصل فاختصرت المسافة وتزحلقت بسرعه 260 ولكني تعرقلت وبغيت اقلع لكن ربي ستر 00والمعلمة كانت خلفي
وماتت علي من الضحك ودخت الفصل وهي عم تتضحك وصارت تقولي قومي شاركي معنا والا مو فالحه غير في ممارسة التزلج 00
والله اني احس بقهر لمن اروح المولات والكورنيش واشوفهم يتزلجون ولو ما اخاف من الشماته والعذال اني ما ما اقصر ياتعبتي تعبتاه بس

يلا اللي عنده قصة مرجوجه يسدحها هنيه ذلحين ذلحين والي ماعنده الله يسامحه مع اني اشك ان في احد مامرت عليه الرجة والدجة وتسلمون .........