السلام عليكم ورحمة الله وبركاتة:
هذه الزاويه سأخصصها لكل يوم جمعه لتكون استراحه للعقل والفكر اجمع فيها لكم من ارشيف اوراقي ومن شتات افكاري من هنا وهناك مايبعث الراحه على نفوسكم وعقولكم باذن الله..!!
*قالوا علبه البيبسي بريال ونص وانا اقول لالالالا بل بريالين بس احنا مغفلين ندفع ريالين لصاحب البقاله ويعطينا لبان كأننا اطفال يسكتنا وان تجمل عطاك فشار يعني دافع الريالين دافع ولسان حالك يقول كلها نص والثاني نص ويادار مادخلك شر!!
*يمتليء المسجد يوم الجمعة بالمصلين من شتى اصقاع الحي ولو دورتهم بصلاه العشاء مالقيت احد وكأن صلاه الجمعه طقوس اجتماعيه تمارس لارضاء الناس!!
*تدخل على مجموعة ناس فترد السلام فيلتفت كل شخص الى اللذي بجانبه هل تعرفة فيهمس له فيقول لا قال طيب ليش يسلم قال ملقوف او ماهو بصاحي..!!
*كان هناك شخص ولديه جار له ابن وقد اذاه فكل يوم يكسر له لمبه او قزاز البيت وصبر وصبر وصبر حتى نفذ صبره فضرب الطفل فذهب اباه الى القاضي فقال هذا ضرب ابني قال وش تقول انت قال ياشيخ صلي على النبي قال الشيخ وعليه الصلاه والسلام قال الرجل ياشيخ صلي على النبي قال وعليه الصلاه والسلام قال الرجل ياشيخ صلي على النبي قال الوعليه الصلاه والسلام قال ياشيخ صلي على النبي قال الشيخ ياخي طفشتنا قل وش عندك قال ياشيخ الله يجزاك خير انا امرك بطاعه وطفشت فمابالك بمن يتوذى كل يوم ماتبيه يطفش قال الشيخ قوم الله يستر عليك...!!
*في جوالك خمسين اسم من ذوي المكانه الخاصه الى نفسك جرب ارسل لهم رساله انا بورطه ومحتاج الف ريال بعدها اتصل عليهم واحد واحد وعلمني كم واحد يرد عليك وكم واحد يعطيك مشغول وكم واحد يقفل جواله..!!
*تبنشر سيارتك بجانب الطريق فتنزل لاصلاحه ويمر بك شخص فيساعدك فتقوم بشكره واخذ رقم جواله وكل يوم تشكره وزوجتك تصلح في بناشرك كل يوم بالبيت وخارجه ولاتسمع منك كلمه شكرا الا في المناسبات التاريخيه..
*كما ان هناك ناس تفكر بالخير وكيف تعمل من اجله وكيف تحصل عليه هناك اناس تفكر في الشر وكيف تحصل عليه ....!!
*اذا رأيت الرجل يعود من استراحته مبكرا ولايحب السهر فاعلم ان مفتاح باب البيت مع امرأتة..!!
*حتى بالصدقه تجد التفاوت الاجتماعي فتفرق ان كنت ستدفع لفتاه او لرجل وعندها سيتحدد المبلغ اللذي ستخرجه هنا وهناك ..!!
*تغار المرأة من اي امرأة اخرى ولو كانت امها فلاتمارس معها هوايه الاستفزاز فانها كالبالون سينفجر يوما ما بوجهك ولن تستطيع اعادته كما كان..!!
*اليوم جمعة فلاتنسون ان تقرأون سوره الكهف وتصلون الجمعة وتكثرون من الصلاة على النبي فيها وان تستغلون اخر ساعة فيها فان الشيطان حريص على غفلتكم بها..!!
*موعدي معكم باذن الله بمنوعات اخرى صباح الجمعة القادم باذن الله...لاتنسوني من دعائكم..!!
بقلمي/غربة مشاعر