[مرااايا]

شكرا للطرح الجميل
تذكرت قصيدة للشاعر طلال الرشيد رحمه الله واسكنه فسيح جناته(الملتاع)
رد بها على شاعر يمدح بنات المغرب

يابن الحلال ان طعتني خل الاسراف
واترك جمال الغيد لاهل البصيره
الزين موبس في الملامح والاوصاف
الزين روح وعفه وطيب سيره
مانيب من يهوى سريا وانصاف
انا هواي وبس بنت الجزيره
بنت الخليج اللي تماري بالاعراف
وحنا نماري باسمها كل ديره
مالي غرام بقول وخا وبالزاف
اذبحني عند الطرحه المستديره
احب قولة ياهلا وعل وماخلاف
من بنت ثوبي بنت هالارض النضيره
اللي تحلاها الظبي حلو الاطراف
جمال في عفه ورقه وغيره
واللي بها سحر مهو سحر عراف
ياعل عين ماتراها ضريره
عطف وحنان وذوق في لين الاعطاف
والى كشفت لثامها شفت أميره
صعب على اللي بالردي شاف ماعاف
وحلوه علىاللي سنه الله ضميره
شمس الى من اشرقت والدجا طاف
غابت نجومك غصب لو هي كثيره
السيف مايزهى سوى كف سياف
والخيل دون حصانها مستخيره
بس أنت دورلك على قدك لحاف
وان طعتني دور بدلنا عشيره

رحمك الله يا طلال