[نسيم السروات]

اقتباس: المشاركة الأصلية كتبت بواسطة بنت الوادي      ماشاء الله مجلس رووعه يانسيم،،، لكن تسمحولي بما انكم اخوالي اطلب اللجوء السياسي عندكم،،،

يوه يوه ياشق بطن العدو شقاه بنت الوادي جت لمجلسنا على غفله وأنا ما دريت

قوموا قوموا يابنات بسرعة جيبوا البخور والقهوة والشاهي .

فديييييييييييييت من جا فديته هويه يايخت ما علمتنيه أنك جاية كنت أتعلف من العقله وأخذ شويطة من المزرعة

وألتهيت عنك أقعدي أقعدي يامرحبا تراحيب المطر يامرحبا الله يحيك يابنت بني حسن وإحنا أخوالك ماحنا اغراب

وأمك ليش ماجت معك تحيييي على أهلها وش معها لا تكون ضايقه علينا تبشر بالرضى وطيبة الخاطر منا

وأنتي والله ما تغدين لييييين تأكلين قدرك عندنا هيا قلي تم .

روحي ياطوق قولي للأخوان قلب من ذهب وإلا لغة العيون وإلا أل سلمان يذبحون لنا واحدة من الغنم قولي لهم

عندنا بنت الوادي ضيفه في مجلسنا جت تبارك وتهرج معنا الليله .

يالله حيها والله الليله بنقلب مجلسنا أستراحة ونجلس نسولف أحنا وأنتي يابنت الوادي

هيا سولفي واشربي قهوتك وشاهيك وتبخري فديتك .












وذيه شوية كادي وبعيثران أعطيه أمك وقلي لها هذيه هدية من عن نسيم زرعته من حوالي بيتهم القديم .




وهذا حزام فضه أبو ربيه مطلي بالذهب لك هدية يابنت الوادي من عندي وتستاهلين أكثر .





وأن شاء الله عندنا حفله بنسويها أنا وطوق وبنعزمك وبنسوي سهرة حلوة وسلمي لي على أمك


ولا تقاطعينا الله يسعدلي ذا الوجه يارب .