[الهجيــــر]

أقبلوها كما هي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يضيق صدر الليل لا صار الشفق غربة نهار=وتنبت أشجار السكوت وينقطع غصن الكلام
صدري مدينه تستغيث الوصل من تحت الدمار=أشواق وآهات ومشاعر ميًته تحت الحطام
الخاطر اللي خنجر الفرقا وسيف الإنكسار=زادت طعونه لين غطت دنيته سود الغمام
هذي طعونك جيشها سوى على قلبي حصار=وآنا رميت الرايه البيضاء ودورت السلام
تاقف على (جرحي) وينتابك شعور الانتصار=تغتال لي (فرحي) وترحل تحسبه ماهو حرام؟
خذني بقايا (روح) تبكي فوق حد الانهيار=خذني بقايا (بوح) يبكي هجرة أسراب الحمام
قفًلت ما بيني وبينك باب رد الأعتبار=تفرش لي الفرقا وتزعل يوم لحفتك ملام
آخر خيوط السالفه لو بيننا دار الحوار=لملم شتاتي وأحتضنًي نفسي أشعر بالزحام
بُعدك وأشواقي وحبات القلاده والسوار=وفرحة الشمعه وهي ترقص على موت الظلام
ياليل لا تزعل ولو صار الشفق غربة نهار=غصن الكلام إن مات !! بعده يرتوي غصن الغرام
[/poem]