وش بكم هاجدين البرد مأثر عليكم؟
السلام عليكم ورحمة الله وبركاته يا رجال بني حرير
بخير وفي خير مخلينه الين هذي الساعه وجيناكم مسجلين ومشاركين
ما اقول اني ضيف وانا في مجلسنا وبين اهل وربعي
الديره واحده والاعلام واحده والبرد في بدايته وكلن عند دفايته
الضريبه تروح وتجي
والمطر عند الله وما عند الله نرجيه ولاهو بعيد وربي سميع مجيب
لا نغدي ولا نجي لاكثرنا مشاويرنا نزلنا تعشينا في تهامه
وعودنا وان تقاوينا تكعفلنا في فراوينا وقعدنا
امان وطاعة رحمن اهل الديره بخير ولا خبرنا على احد طاري خلاف
غيرها من الاعلام ماخبرنا علمن يستوجب رفعه وهذا علمي وسلامتكم جميع
|