المشاركة الأصلية كتبت بواسطة الراجية
موضوع متعوب عليه الله يعطيك العافية ياطوق ـــ ـــ لا والله ماحدن لايمك والله يلوم الي يلومك كلنا في الهوى سوا لا وازيدك من الشعر بيت أغلب اللي اعرفهم جوالاتهم غير مفوتره وغثوني بليز كول مي على شان اعرف ان ماعندهم رصيد لكني اصفطهم وخاصة الي اعرف ان ماعندهم غير الدجه 0 مثلا عندك واحده من صاحباتي تنغم علي وتسكر واذا سألتها وش عندك قالت ابد بس عاجبني مقطع صدا الي بجوالك اذا طفشت دقيت 0 يلعن ام العذر البايخ عند صاحبتك ذي وصرت مارد الى على الشخصيات المهمة (الي سامعها يقول هيلاري كلينتون من خوياتها ) عندي لك حل .. وتراي مجربته وزيييييييييين مره اعلمي وضع جديد بجوالك وسميه "قروب فلاني" وخلي داخل القروب ارقام اهلك وصحباتك فقط وروحي للتنبيه ووخري الاكس من عند "الكل" وحطي اكس عند هالقروب يصير اي رقم ماتبغينه ولا هو مضاف بالقروب مايرن جوالك ويبقى صامت وما يرن الا اللي داخل القروب .. عشان تريحين راسك ومن زمان عن المسج احسها موضة قديمة وناسيتها من زمان مايذكرني فيها سوى الاتصالات لمن يرسلوا لي عزيزي العميل والا برسالة من جوالك تحيي آمالهم 00 اقول غثونا الله يغثهم الله يغثهم شركة الاختلاسات في ذي والله انك صادقة صايره اكره الطلعة من كثر التحويلات والخربشات الي في الشوارع تسد النفس 00كل يوم طالعين لنا بكوبري جديد وياليتهم يتقنون عملهم مو اي كلام لا مقاولين ولا مهندسين يخافون الله اتذكر العام على ما أظن انهار جسر في الدمام وكنت قريبة من موقع الحدث لكن ربي ستر ولله الحمد الأنهيار ادى الا وفاة واصابات ناس مالهم ذنب وراحوا ضحية طمع وجشع بعض المقاولين العجيب في الأمر ان الشركة التي قامت بها المشروع اغلب المشاريع في الدمام هي من يقوم بها ياوجه الله ذكرتيني بلوحة السدحان قبل 5 سنوات كانت معلقه على المركز من برى وزنها يمكن 2 طن طاحت من الهوى ايام الخريف فوق سيارة كانت واقفه بالمواقف وماتت حرمة داخل السيارة وكان زوجها داخل المركز وشكل المقاول الحين يعسل في دار ابو زعبل نسيتي الترحيب بسلطان الخير كحيلان والله انسدت نفسي وجاني غثيان من كثر ما رحبت به لي اربع ايام بلياليها وانا ماغير ارحب وارحب وارحب اصابعي تكسرت من كثر الترحيب وهو والله مادرى عني انا من الشعب والا لا ما خليت ولا منتدى الا ورحبت به فيه وامس طفشت وقلت باغير جو الترحيب الي انا عايشه فيه وشغلت التلفزيون ومازال كحيلان يتصدر القائمة في الترحيب الخرافي فتحت الام بي سي والا اشوف حشود في استقبال سموه اخوي الصغير اسمه سلطان فرحان من كثر مايسمع اسمه في قناة الساحة احسه امس عايش جو غير وقناة الساحة طبعا غيييييييييير في الترحيب مره عرضة ومره دبكة ومره دحة ومره نشيد خليها على ربك بس 00قفلت التلفزيون على طول وبغيت ا كسر الزر المهم طلعت الهاف مون وقلت شوفة البحر راح تبعد عني الملل و تفتح نفسي شوي ولم البث مليا الا واشوف شباب مشغلين مسجل السيارة على الأخر وقاعدين يرقصون بكل فرح وسرور ومو اي رقص رقص اليوله احتفالا بسلطان الخير وشوي وطبت عليهم الدورية وهجدوا ههههههههه شكلهم كان مضحك 0 يافقع قلبي من قناة الساحة وكل ماهو على شاكلته .. ليتني قد ملكت واشب فيها اما الهاف مون يذكرني بشوارع ميامي ههههههههههه كل العالم هناك فاصلة تذكرت مره سافرنا لشاليهات الخليج مكارم نبغى جلسة ريلاكسية وهدوء يعني تقدرين تقولين شاردين من ازعاج الرياض وطلع الشاليه اللي جنبنا كله همج جايبين طيران ومراوس وعود وداقينها حفلة وازعاج شوي الا كل وحد مره يطلع من الشاليه واحد ويمسك المايك ويغني عند البحر ويرجع يدخل ويطلع الثاني .. يغنون بالدور بالله شاليهات محترمه حقة هدوء يجون هالعينات ويعطبون ام الجو الله يحوقهم عن بكرة ابيهم متأكده انو كلام الحجز !!!!!!! عموما والله لو خذتيني معاك ياطوق ماراح اكل منك ولا من صاروخك لكن الحسد قليعة كما يقولون والله يغنينا وشفيها لو حجزتي لي معك وشفيها بالعكس يمكن لاقدر الله تمرضين والا تدوخين لاني كما سمعت ان الي يركب الصاروخ يدوخ وينقطع التنفس ويمكن يموت ويمكن يرجع ( لاتصدقون بس اخوفها علشان المرة الجاية تاخذني معاها لا تعلمونها ) اهيه المرة الثانية خذيني معك لاني ابغى اسوي خبزه مقناه على كوكب المريخ مدري يقولون ان لها طعم غير طعم الي على الأرض ابغى اشوف هم صادقين والا لا يالله الله يستر عليك ياطوق واعذريني هذرت واجد ماصدقت حصلت لي صفحه واسعه مثل صفحتك 00ترجعين لنا بالسلامة ياطق طق ههههههههههههههههههههههههه اول مره اكتشف اني حسوده وحقودة وملعونة جدف اسمعي اذا بتجين مري على امي وجيبي معك قنا عشان الخبزة وولاعة والا كبريت احسن عشان ماحد يتهمنا بباطل وجيبي صلاة هيا قولي وشنهي الصلاة ذلحين ومكب حق الخبزة وملى السطل رماده فال وجه العدو ولا تتأخرين .. وترى الشاهي مخلص
رد: رحلة نقاهه إلى المريخ مع طوق الياسمين
