[align=CENTER][tabletext="width:70%;"][cell="filter:;"][align=center]
منذ فترة وأنا اعتقد انه مامن شئ يستحق القراءة كما انه مامن شي يستحق الكتابة
فالناس ماعاد لديهم القدرة لتحمل هزائم وخيبات بعضهم البعض
كما انهم ضاقوا ذرعا بأغلب الاشياء
/
/
حسين ولد المدرسة الخصوصية اللي تدرسني
هالانسانة لو اوصف فيها مااوصف ماقدر اوفيها انسانة قايمة ببيتها وبعيالها ومتكفلة برعايتهم وغير هم تربية العيال وهم انها هيا المتكفلة بالنفقة عليهم كان هم ولدها حسين هم ثاني
شخصيا ماكنت اعرف قصتوا وكنت لما اشوفوا في البداية اضحك من تصرفاتوا بس يوم عرفت قصتوا حسيت بصراحة مع احترامي لنفسي 
اني ماستحي
هو عمروا 19 سنة تخيلوا انو مايعرف الشارع غير مرة وحدة هرب فيها من البيت وهيا كانت المرة الوحيدة والاخيرة مايعرف غير غرف بيتهم تخيلوا انو عمروا 19 سنة ومايعرف يكتب ولايقرا تخيلوا انو عمروا 19 سنة وماعندوا اصحاب
هو اكبر واحد باخوانه ومع كذا كل اخوانوا يتمسخرون فيه اختوا اللي اصغر منوا بدل ماهو يحكمها ويقلها سوي ولاتسوي هيا تحكموا وهيا تختار الاكل اللي تبيه ياكلوا اليوم واذا نرفزها تخليه زيوا زي الحيوان بالبيت وماتطالع فيه
اخوانوا صغار ولااحد فيهم يحترموا
كان دخولنا على بيتهم يمكن مفاجاة لو هو بالذات كنت انا وصديقااتي اول بنات يشوفهم غير اختوا واموا فتخيلوا عاد المسكين يوم يفكر يتجرا يرسل احد من الصغار لوحدة فينا ويقلها انو هو يحبها وكل يوم يختار وحدة
عمروا 19 سنة وكأنوا لسا عمروا سنة ماسوا شي بحياتوا
ماعرف يعني ايه حب
ماعرف يعني ايه صداقة
ماعرف يعني ايه كذب ولاحتى شو يسير بالدنيا برة
امنيتوا بس انو ينحب لانو يحس انو هو عالة على اهلوا صراحة مودري اذا هو كذا تفكيروا بس اتوقع انو هو كذا يفكر
يبكي على اتفه سبب ويضحك من سبب اتفه من اللي بكاه
كنت افكر دايما ياربي انو عمري 19 سنة ولسا ماسويت شي يستحق بحياتي اني اتذكروا
بس يوم عرفت قصة هالولد حسيت انو سويت اشياء كثير مررة كثير
اشياء يحلم حسين انو يسوي وحدة منها
على فكرة القصة مو كذب والله اسم الولد من جد كذا وهو ولد المدرسة وهو مريض بس ماعرف شو هو المرض بس امو يوم كانت تشوف انو نتضايق من حركاتوا قالت انو هومريض من هو صغير
اصلا احنا كنا نشوف اننو موطبيعي لان حتى خلقتوا وشكل وجهوا وجسموا مو طبيعي
بس طلع مريض بمرض غالبا مايعيش اكثر من عمر الـ30 سنة
جلست اقول للتيتشر ترضي لو نشيلوا يوم معانا نمشيه ومعانا السواق يعني مابيسير عليه شي قالت مستحيل ترجعوا فيه وجلست تحكينا انو مرة فتحتلوا الباب على اساس يشوف العيال وهما يلعبوا هرب ومالقيوا الا اليوم الثاني الساعة اربعة الفجر
ادري طولت بس كنت حابة اقول انو ترى احنا عايشين مرة بنعمة في ناس عايشة وكانها ميتة
/
/
شخصيا كنت احسب اعوامي بما فعلت بها لابما فعلت بي
الاانني ادركت مؤخرا ان تلك المعادلة خاطئة جدا ماكتب ليس خياليا وليس شئ ينسب الي بل هي قصة اعوام او ربما شاب او ربما شئ لايلتفت اليه الجميع ولاينظر اليه اكثر من نظرة شفقة
( الموضوع خليطي عربي على عامي بس يلا مشوها )
[/align][/cell][/tabletext][/align]