[محمد حسن الزهراني]

اليكي ياغربة مشاعر

أضحك مع الدنيا وخل الهواجيس
والهم نحه بالنجم والعزومي
لا تخضع لضغط الدهر والوساويس
ولا تنحني مستسلم للوهمي
شو المعالي خل عنك الدنافيس
وشمر ترى الحر القطامي يشومي
خلك طموح للعلا والنواميس
ولا تقتنع من العز دون النجومي
وترى التهاون والكسل والغطاليس
وقصر النظر ما يستوي للقرومي
وافهم ترى النيات هي خير تأسيس
كلش على النيه يشاد ويقومي
وانتي بنت الرجال الأشاويس
ونجوم العدى ما تقتدي بالرخومي
وابعد وجنب عن اخوان الأباليس
خباث الطبوع مضيعين السلومي
متلونين اشكال مثل الطواويس
نكوث الجال منقلين العلومي
والصبر هو الحلم والعلم لو قيس
درع منيع واقي من السهومي
أصبر ومهما طال ليل الخناديس
فالصبر نوره يشعشع لزومي
والفخر في كسب الثناء والنواميس
والقاله العليا وذكر يدومي
فالعز غايه كل من فيه احاسيس
والمجد يعشق كل من له يسومي