المشاركة الأصلية كتبت بواسطة نسيم السروات
والله شي هروجن وشي دهدقه وماشاء الله على ضيفتنا الجديدة زهرة الجوري تحب الهروج كمانا هويه ياطق طق طقوا خشمك مادعيتنيه أتهرج معكم وأتقهوى شكل فصفصك يازهرة من حق الرفاعي هيا أعبيلي دحوة منه الله يسعدك قلي أمين >>>> أمين صبي ياطوق لي فنجال شاهي وشمعك شربتي الشاهي كله . أسمعن يابنات والله أن معي لك هروجن تهبل ودي أقولها لكنه الليله لكن الوقت متأخر شوية بغدي أرقد وبكرة باقولها وهي حول حفلة صارت في مركز الأمير سلمان بمناسبة عودة الأمير سلطان معافا الله يحفظه . والله ياكهيل شفتهن في الحفل ياني ضحكت من تصرفاتهن لين بغيت أموت يازينهن ويازين هروجهن تصدقون عاد يابنات أني مصادقه كم كهلة وكل البنات ناقدين عليه يقولون وشفيك ماغير تتبعين الكهيل وجالسة تسولفين معهن ماتملين تعالي معنا قلت روحوا بس ماعندي مثل الكهيل وهروجهن هن الخير والبركة . وعندي صديقه كهله عمرها يمكن فوق 70 سنة تجنن يابنات أحبها وأحب هروجها تعرفت عليها في المسبح خفيفة دم بشكل غير طبيعي باقول لكم عن مواقف صارت لي معها في المسبح . ياليت كلكم تسجلون معي في النادي والله فله كله ضحك ووناسة من ذا العجائز. زهرة الجوري سامحيني يايخته أكلت فصفصك كله وأنا أتهرج ماحسيت وبكرة باروح لبندة وأجيب لي ولكل الحاضرات . وتصبحن على خير كلكن ياغلايم .