[حسين المعنى]

اقسم بمن كلف محمد وارسله فينا نبي

يدلنا لصح ويوكد على الله المصير

والله مافي شين اكبر من دموع امي وابي

ولا خواتي واخوتي في دنيتي يحسب نضير

اهون علي اشيل كل الارض فوق المنكبي

ولا اصغر الدمعات لي تنهل من عين الحسير

عرضتها عز وشرف والحزن سابيني سبي

ماهو بخوف(ن)يعلم الله من كبير ولا صغير

هم عودوني منقصر عن واجبي وانا صبي

مابين اياديهم ولا راح انقصر عنها كبير

الدين هذا والوطن منا رجاجيلن يبي

واحنا رجالن لا تقدمنا حشى مانستدير

ارواحنا تفداهم الاثنين تشرق تغربي

ماهمنا ماهمنا واللي كتب ربي يصير

لبيه يالحد الجنوبي وانت غايت مطلبي

ابشر بعزك جاك من هو في هوى حبك اسير

عهد(ن)علينا انا نربي كل واحد ماربي

وان كان في جنه علينا انا نرده في سعير

ماراح ياويه الجبل حتى ولو به يختبي

سلاحنا ف الصخر من قوته لا وقع يطير

غشيم مايفهم عدو المملكه واكبر غبي

لانها خير(ن)ومن عادا لها ماشاف خير

عصبت راسي احميه وغيره وهذا معصبي

الدين يحيا والوطن يبقى له اقلوبن تغير

وعبدالله بن عبد العزيز القايد الحر الابي

يفدونه الشيبان بالارواح والطفل الغرير

خادم بيوت الله وخادم لشيوخ ولصبي

نضرته نضره واحده صوب المواطن والامير

وشلون مانفداه بالاروح لو تغدي هبي

لا والله الا فدوته ونعدها ماهي كثير

والله لو يشر لنا لنجيه لو انه حبي

ولا بيننا من هو معه يحتار والا يستشير

واما هلي لي عندكم بالله يهلي مطلبي

ابغي السوحه والغني الله والا انا فقير

يمكن نلاقي لشهاده لا نزلنا الملعبي

والا نعود بالنصر من فعل نصارن نصير

ثنتين ماتنعاف هذي لحيتي هذا اشنبي

ماعافها الا من نقص دينه ومعدوم الضمير