[الراقية]

بسم الله الرحمن الرحيم

في اليوم التالي ذهب مستور برفقة ابنه جمعان وجارهم غرم الله الى الشيخ الي يملك 00

وقال مستور عليك جاه الله ورمى عمامته علي الشيخ انا داخلن على الله ثم عليك ان تملك بي على الكهله جراده بدون الفحوصات 00انا شيبه وهي كهله ولا لها داعي الفحوصات هاذي
ياربي سترك ما نفحصت وانا شباب لا تجون تفحصونيه في اخر عمريه وانا ما ابغى الا جراده ولا ابغي غيرها

طبعا الشيخ انحرج وماكان منه الا ان يتحايل على النظام خوفا على مشاعر مستور وجراده وبالفعل في اليوم التالي توجه الشيخ برفقة مستور وابنه وبعض الجيران الى الكهله جراده
الكهله جراده كانت مستعده على الأخر
تصمدت وحطت الريحان والبعيثران على راسها وتعطرت بابو حنش و تدهنت بالفازلين والى هي تلق لق
دخل الشيخ على الكهله جراده في البيت وساءلها من خلف الباب اذا كانت موافقه والا لا
الكهله جراده ايوه انا موافقه ياشيخ وشبه مااوافق على مستور يابى علي الله ما اعذر فيه
الشيخ طيب عندك شروط ياكهله
الكهله جراده قامت تدلع وتسوي نفسها صغيره وتستحي
قالت لا ماعندي شروطن بس ابغى اكمل تعليميه في محو الأميه وابغا بيت شرعي وشهر العسل ابغاه في مليزيا ان كان مستور له نيه واذا ابى بغير منها كلها 00
الشيخ ابشري ياكهله جراده انتي تستاهلين ومستور مابيقصر بالي يقدر عليه

قال الشيخ لازم النظره الشرعيه وامر القحم مستور يروح يشوفها ودخل عندها في الصاله (على باله ماقد شافوا بعض )

القحم مستور سلام ياكهله جراده وعاالبركه
الكهله جراده وعليكم السلام ياربي حيه يانا فدا من جا الله يبارك فيك ياصديقيه
والله ماني مصدقه يامستور ان ربي يسر لنا بغا يفلجنيه ذاك الدختور الله لايسامحه قطع ظهريه يوم قال انا مانصلح لبعض 0
القحم مستور لا صدقي وان شاء الله قريب تكونيين حليلتيه ياجراده
الكهله جراده على استحياء ان شاء الله يامستور والله يجعلني رايحة خير عليك
قامت جراده خذت تلاجه اقهوه (ادمان ) وفنجلت القحم واخذتهم الهروج ونسوا الدنيا
انتظر الشيخ خروج مستور 00انتظر 0000انتظر مرت الساعات والشيبه منهمك في هروج جراده
جمعان شعر بالخجل وانحرج وقال له الشيخ ادخل وقول للقحم يجي نكمل العقد قوام بسرعه
ودخل جمعان على الشيبان ولقاهم يتفنجلون ويضحكون 0
جمعان هيه ياشيبه الله يصلحك وش احوا بك الشيخ يتحراك في المجلس وانت غرتك الهروج مع جراده باقي يمديك عليها هيه قوام قوم
الكهله جراده شعرت ببعض الخجل وقالت الله يهكبك يامستور مجد جمعان افلح امح وش يبغى منك الشيخ
رجعوا مجلس الرجال واكملو العقد وبصمت جراده ومستور واتفقوا على المهر وحددوا موعد الزواج بعد اسبوع علشان يمدي الكهلة جراده تتجهز 00
====================
الكهله جراده على قدم وساق مدهره مره تحني شعرها ومره كراعينها ومره يدينها وخيطت لها ثلاث ثياب محابيك وكرتتين وشرت لها صمايد و بعض الحلي وحطتها في شنطه سحاريه ومستعده للإنتقال لعش الزوجيه
وقررت انها تلبس فستان ابيض يوم الزواج وقالت ذلينه يلبسنه ماهنه باحسن منيه اويه انا وش ينقصنيه وكمان تبغى تتكنفر على قولها (يعني تتكوفر )وحجزت لها كوفيره ماهي سهله الكهله جراده وقاعده تخطط لليوم الموعود

كذلك القحم مستور قاعد يستعد ويستدعي بعض اقاربه منهم ابنه عيظه الذي يسكن في مدينه لحضور الصده
ويجهز المقام والذبايح ويعزم الشعراء للعرضة
وركب له طقم اسنان وصبغ شعره بالحنا ورجع كانه شاب
ومسفره وبناتها صندله وسعيده كلهم مستعدين ليوم الزواج

للحديث بقية بحول الله وقوته