سلام ياغلايم
عندي لكم هروجن تهووووووووووووول هوله
بس مشكلتي زوله كسلانه مااحب اتعب نفسي
لأخت كت كاته
جابت قصص عن النظره الشرعيه وطلبت رأينا في الموضوع
النظره انا اشوفها شي أساسي سواء للبنت او الشاب
لاتفكرون ان البنت مو من حقها تشوف الخاطب 000لالالا من حقها ونص واذا ما عجبها وما ارتاحت له يحق لها ان ترفض
طبعا وبكل تأكيد ان المملك ماراح يوافق يكتب العقد الا لمن يشوف الخاطب خطيبته وذا شيء معروف
يعني عندك مثلا انا لمن انخطبت وجا وقت النظره الشرعيه انحشت ورحت الغرفه وقفلت على نفسي 00اهلي قعدوا يتحايلون علي
مثل الصغار وعييييييييييت مدري وش صابني ذاك اليوم مدري خوف والا من زود الفرحه 00
طبعا راح العريس وما شافني هههههههه سحبت به بس إيما تسحيب قلت اهله يعرفوني وماله داعي يشوفوني واثقه اني حاعجبه هههههه
المهم يوم الملكه ولمن جا المملك قال ماراح املك الا اذا شافها المعرس 000طبعا لمن عرفت ان المملك جا البيت انسحبت بكل هدوء ورحت قفلت على نفسي 00
جاالوالد الله يحفظه قالي لازم تطلعين لاجل يشوفك قلت مستحيللللللللللل ماني طالعه
قال ليه ماتبين تطلعين خايفه من ايش قلت مو خايفه بس ماحطلع ابدا
جو اخواني الكبار وقالوا نفس كلام الوالد وقالوا احنا بنكون معاك لاتخافين وتجمهروا عند الباب وسوو مظاهرات لاجل اطلع ومافي فايده 0 وبعدين راحوا فرحت قلت الحمد لله 00
شوي ويجي الوالد فديته قال افتحي بس لاجل توقعين خلاص ماحيشوفك 00فكرت شوي وفتحت الباب ووقعت بكل احتراف لا ومدلعه التوقيع وكاتبه تحته بالأنجليزي 000
وجو اخواني وقالوا والله لو ماتطلعين لنوريك موقاعدين نلعب الشيخ ينتظر في المجلس مو فاضي لك 00ابوي شال مفتاح الباب
000قال يالله اجهزي الحين العريس حيدخل تجهزت بسرعه وبقيت في الغرفه ماطلعت بغيت اتمرد بس ماعاد يمديني 00 حسيت اني محاصره
بعد مادخل العريس جاء الوالد يتكلم معي بشويش وبهدوء قال يالله يابنتي الله يسعدك اطلعي بسرعه ولا تحرجينا
قلت خلاص ابشر بس ما ابغا اخواني يكونون معاي انت وبس 0 مسويه خجوله 000000
قال خلاص
ومسك في يدي وطلعني مجلس الاستقبال قال للعريس هذي بنتي فلانه والله يكتب لكم الي فيه الخير ياولدي
عاد انا بس شفت العريس وابتسمت ابتسامه عريضه لا شعوريا او يمكن بدون وعي مدري من دعا عليه ذاك اليوم يمكن بغيته يشوف اسناني
الله لايخذلنا
ظل خمس دقايق وبعدها دخل ابوه يبارك لي
الوالد يشر لي من ورى يقول حبي راسه مو العريس ابوه ( لاتفهمون غلط )
وكان لابس غتره بيضا وحبيت راسه وكنت حاطه قلوس وردي خفيف وعلم على غترته قام العريس يضحك وانا تبسمت ماصدقت خبر
والحمد لله ماطولوا شربوا عصير وراحوا الا كان جبت عيد الاضحى قبل عيد الفطر
وبعدها باسبوع سوينا حفلة الخطوبه
معليش كت كاته خرجت شوي بس لان الموضوع جلسة حريم قلت لكم حكايتي ياحلوات
وربنا يوفق جميع البنات ويهنيهم ويرزقهم الازواج الصالحين