مع السلامه يالديار المقرده
منك العذر منك السموحه مجدده
لك الله اني مانزلتك ولا رحلت
الا من اضروف الزمان المنكده
مالي بحبك لو تحبين حضرتي
لو كان تصبح لي رحابك مورده
اسمع ولا ارا عن ورودك وراحتك
واقفت ثمان اشهور برضك معدده
صحيح بك ناس(ن)لهم كامل الغلا
لهم عروق الوصل دايم مشدده
ماغير روحي منك والله طايبه
مهما نسندها تعود مهدده
صبرت صبرن ماصبر له ولا ادمي
من شان لاتغدي حياتي محدده
ماودي افرح من فرحها تعاستي
وابكي هجوسن لجل عيني مشرده
ضحيت بالراحه وبامال دنيتي
قبلت غربالي بصورة مخدده
قامت تحراني بلحضات عمرها
عاشت جدايلها ولا هي مفرده
ماعطرت للعنق والا للبسها
ماقصرته ولا بيومن تشدده
الا خيال(ن)بان لي في عيونها
وان زاد بفراقي وبعدي تهدده
مصوبتني بالمحبه وزينها
رمياتها من دون تشعر مسدده
للقلب ماتنضر لغيره من الجسد
مره تصحي له ومره ترقده
واليوم لله الشكر قرب الفرج
نرجع بقرب اديار عندي مخلده
وداع ياهم ابتعادي وغربتي
وداع وايديني لقربك مفرده