[مُـخْ تَلـِفـ]

و أرفرف لك ..!!

مثل زهر ..

يتنامى لحظة قدومك ..!!

مثل طهر ..

يتبلل بس بغيومك ..!!

مثل نهر ..

ويمّرك ياخذ علومك ..!!

يصلي الظهر

ويدعي تنجلي همومك ..!!

وأرفرف لك ..!!

واقول الحُب ..

ما هو حطة كحل سايل .. ولا هو خصر متمايل .. ولا مشية غنج واغراء

ولا ايماء ..!!

ولا هو ثرثره وتمييع ..!!

ولا التدليع

ولا تشري عشان تبيع ..!!

ولا اهواء
هو /

اللحظه التي فيها تشابه حـاجتك

للـ ماء ..!!


{ ,,




وأرفرف لك ..!!

مثل لوحـه على الجدران ..

وأهرب لك

كذا اسود بدون الوان ..!!

وأجي قطعه من الشيفون

تتمرد على الفستان ..!!

وتكتب ضحكة القهوه ..

قبل لا يبرد الفنجان ..!!

وأرفرف لك ..!!

واقول الحُب ..

ما هو كثر العتب واللوم ..

ولا حـتى حديث غـيوم ..!!

ولا خـوفك ولا الربكه ولا هواشك ..!!

ولا هو اسئلة غيرك

عـلامك حـيل ذبلانه ..؟!

وش اللي بك ..؟!
هو /

اللحظه التي فيها

تحسّك / لك ..!!



{ ,,



وأرفرف لك ..!!

مثل نجمه .. تضوي العتمه في ليلك ..

تغني لك

اغـاني الضي

يا بنت الغيم ..!!

يا أدفا من دخل قلبي ..

وتغطى وناام ..!!

وسولف لي عن الاحلام ..

وبدد كل ما حولي من الاوهاام ..!!

وغـنى لي بدفا صوته :

حبيبي ناام ..

حبيبي نام ..

حبيبي نام ..

وأرفرف لك ..!!

واقول الحُب ..

ما هو غيم وسماء زرقا وسوالف ورد ..!!

ولا حتى الدفا بالبرد ..

ولا هو بلبسك الفاخـر ..

ولا حتى ثياابي الجرد ..

ولا حتى سؤالي عـنك وش اخبارك ..؟!

وحـزن الماي

بـ امطارك ..

ولا هو لحظه سودا بيااض الحزن تتشبب ..!!

هي /

اللحظه التي فيها تغيب اشياء كثيره عـنك ..!!

وابقى وحـدي الحاضر ..!!