[علي الحسني الزهراني]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ياليت قلبي غير ضخ الدّم مايملك شعور = من شان لاجافاه خله مايسبب له تعب
والموقف اللي سبب الضيقه جواز بلا مرور = كان السبب من لا سبب ماغير حجه للهرب
من دور الأعذار يلقى دون تنبيش القبور = لو في القبور اسرار ماتستوجب يثور الغضب
يا أجمل انسانه عرفت ولا عرفت اني صبور = الا بصبري في غيابك كيف قاومت العطب
الجرح غاير والألم ضيع من حضوري الحضور = أستمطرك غيمة رجا تصلين قلبي باللهب
وشلون باقي عايش اتنفس وسط زحمة صدور = سوادها احلك من سواد الليل والصبح احتجب
من وين لي شمسٍ ٍصفاها يجلب اسباب السرور = لاصار ليلي سرمدي ماعاد للفرحه سبب
لامانبثق فجرك حديث عطور وازهار وطيور = قولي على قلبي السلام ان كان قلبك ما اقترب
تبقى لك الذكرى الجميله في السطور اجمل سطور = حروفها ماتنمحي لو زادت اسباب العتب[/poem]