[فراشه شفافه]

حبيبي

لو يوم قلت الآه ..يقولي سلامتك قلبي فدا ليكي
لو يوم قلت بردانه .. يقولي حضني سكن يدفيكي
لو يوم قلت عطشانه .. يقولي دموعي شهد فى الجدب ترويكي
يقولي ..تعالي
هاتى يدك فى يدي ...أكتبلك على جبين الزمن عهدي
لا فى يوم تهوني ولا ترخصي عندي
ورب العرش شاهد على صدقى
حبيبي

وانا بين رموش العين أسمي عليه واغطيه
ومن عيون الناس بالصمديه ويس أحفظه وأرقيه
وفى شدته يلاقيني جنبه اسنده واقويه

وأدوب من الوجد والأشواق لو يوم عنى أتأخر
يكلمنى ..مايسمعش منى غير حلو الكلام ومايشوفش غير رقة المنظر
أأقوله أمرني ..قبل الأمر أنفذ انا وما أتأخر
وأسقيه كاسات الهنا معطرة بالمسك والعنبر

حبيبي
.

.