[الراقية]

باتكلم عن نفسي بها الموضوع

انا اشوف ان ال1500 في هالوقت والله ماتسوي شي
انا احيانا اصرف اكثر من الفين بالشهر في الايام العاديه يعني مو في مواسم الصيف والاجازات هاذي يبي لها ميزانيه خاصه

فكيف اقدر اعيش اذا كان مرتب الزوج 1500
اكيد راح احس بفرق وبيأثر علي بكل تأكيد على حياتي حتى وان كنت احبه واحترمه
الا اني احسها صعبه الحياة اذا كانت الحاله الماديه غير مؤهله للإستقرار
انا اعرف ان احنا البنات مايقنعنا اي شي لافي لبس ولا اكل ولا مكياج ولا غيرها من المكملات
مستحيل نحصل بنت في هالوقت تقبل تشري لها فستان باقل من 1000
او ماتجيب لها مكياج من اغلى الماركات
او ماتحب تغير اللوك تبعها في ارقى مشاغل التجميل
في نظري لااظن هناك بنت تقبل بها الشيء انا عن نفسي والله ما ارضى

وعارفه اني مابتحمل الوضع فليش اوافق من البدايه وبعد الزواج اظغط عليه

جيبلي وهاتلي وعطني واخليه يتحمل بالديون مسكين وحياتنا تصير كلها قروض وسلفات

اتمنى من البنات يفكروا زين قبل الإقدام على اي خطوه لان الزواج مستقبلك لوحدك ولا تجازف الوحده وبعدين تقوم تتشكى زوجي ماعطاني ولا جابلي زي فلانه وعلانه
خلاص اللي موقادره تتحمل هالوضع لاتخرب حياتها من البدايه وتخرب حياة ولد الناس

الف شكر ولد جهينه وربي يعطيك العافية