[نايف العمر]

[align=center]نص لن يتجدد سوى عبر أعينكم !

.
.



غبتي وخنتك معـا حزنـي وضمّيتـه
...........خنتك ومعذور لا صار الشتـا هجـرك

واخترت حزني لأني صـدق حسّيتـه
...........يشبهك حضنه كثييير وكنـّي بصـدرك

يضم راسي علـى صـدره وشمّيتـه
...........واستنشقك وسط صدره وازفر بعطرك

حبيبتـي لا متـى والحـزن تسكيتـه
...........اموت به حـي واحيـا.. ميّـت بذكـرك

وانـا حنينـي شحبنـي يـوم غنّيتـه
........... والوصل تبكي عيونه تنتظـر عـذرك

والبرد يشعل ضلوعي ليييـن دفـّيتـه
........... والشوق ياما يقلّبنـي علـى جمـرك

والليل يا كثر مـا ابكانـي وأشجيتـه
...........عليك والشمس ما جابت لنـا فجـرك

والصبـر كـل مـا تلحّفتـه ولمّيتـه
...........اشوف نور القمر وابكي علـى ثغـرك

واسهر مع الهم اسولف بـك وحكّيتـه
...........عن طيشي اللي ابتدى في مقتبل عمرك

واعـوّد ابكـي علـى كتفـه وبكّيتـه
...........ويطبطب يقول أرجع والتحف صبـرك

حبيبتي كـم سهـرت الليـل وافنيتـه
........... وآنا أضمّ الحـزن وأتخيّلـه صـدرك !
...............................وأتخيّلـه صـدرك ![/align]

نـُشر في مجلة وضوح