على وعدي
حضرت البارحة وحدي
بدون أحباب
بدون اسباب ماجيتي
وانا اللي كنت متحدي
تمريني مع الأحلام .!!
معك أقدام من شوقي ..
وسَلَّة من قديم أعوام
لها ريحة من عروقي
على وعدي ..
حضرت بكل ما أملك..
من عيوني .!!
واحس أني سبقتك طيف ..
وجالك هالجسد بعدي
على وعدي
زرعت فراحتي وردة ..
تشوفيها ...؟
نسيت أني انا لوحدي ..
وقمت أسأل لااجل أكسر
زجاجة هالملل واخسر
مراية كانت قبالي بها وجهي ..
بها لوم وبها عاشق
أحسه حيل يسفهني
إذا ناديت له أصبر ولا جاوب
وانا من قبل لا يحزن
حسه حيل يشبهني ..
ولا جاوب