خل اللي مايقرا .. يشتري جرايد !!
فرق السما عن الارض !!
وش جاب لجاب !!
خذوها من هنا بلا جرايد بلا هم !!
هنا لاعبين يلعبون لانفسهم ... بلا بروح ولا احساس !!
وهناك ينتفون الملعب .. طول وعرض وعمق واطراف !!
خلهم يدرسون .. خلهم يفهمون .. مانبي نجم .. ولا نبي هداف ... نبي لاعب يخلص بس !!
نبي لاعب يحسسنا انه يلعب من قلب ... لاضيع الفرصه يندم عليها .. مو مثل ربعنا .. يضيع عشرات الفرص وكنك مادريت !!
نبي لاعب يركض ركض .. ويشد لاشدوا .. ويهد لاهدوا !!
نبيه كما شدت الحبل عاللاعب .. ونبيه كما هدت الطير عالباب !!
منذ سنين افتقدنا لهولاء اللاعبين ... اللي يخليك تبكي بفرحة الفوز ... وتبكي برضه لانهزمنا !!
تبكي فرحان ... لانك احسست انهم لعبوا لاجل الوطن ...
وتبكي حزنان ... لانك احسست انهم لعبوا لاجل الوطن ...
وينكم يا هؤلاء ... وينكم يامخلصين ... تعالوا انقذونا ... انجدونا ... فقد فقدنا الاحساس بالوطنيه !!
جونا لاعبين يركضون ركضه غريبه ... كنه مغصوب .. ماله نفس !!
يسحب رجلينه بالملعب ... يضيع فرصه.. فرصتين .. ثلاث .. عشر .. تلقاه عادي .. مو مهتم .. ولاكأن فيه ملايين تحتري هدف .. ولا على الاقل ندم على ضياع هدف !!
بس الشرهه مو عليه .. الشرهه عاللي شايف وساكت .. اشره عليك يالحبيب !!
دامك يالحبيب تارك الحبل ع الغارب .. ب يلف ذا الحبل على عنق الكره السعوديه .. ويذبحها .. واهو ترى فوق الاكتاف ذلحين .. شله عنها دخيلك .. ترى اختنقت .. ومابقى فيها نفس ... الحق عيني الحق !!
خذوا العبره من افواه الفراعنه .. فراعنة الاخلاص .. فراعنة التضحيه .. فراعنة يكسرون الجبال !!
ابعدوا كل من يلعب لنفسه .. وكل من هبط مستواه !!
ولكم في ابعاد ميدو عبره .. يامدعين الخبره !!
استبعده المدرب لان مستواه هابط وقبل ذلك والاهم شوفة النفس !!
هذا هو المدرب اصر على قراره .. وفقع المراره .. واخذ بطولتين بكل جداره !!
هل في ذلك عيب ؟؟
ماظنتي والله .. العيب والله في هالمعتوهين اللي مالين اعلام الرياضه .. اللي ينفخون في لاعبين منسمين .. منتهين .. ضربتهم الشمس حتى اصيبوا بالتشقق والتحبيل !!
اصرفوا لنا مواتر جديده .. عطونا مفاتيح !!
خلوا العالم تنتشي وتعيش احلى عيشه !!
ملينا من الكديش .. ملينا من (يعيش فريقي يعيش ) !!
اذا تم ذلك ..فنحن في خير .. والى خير ..
وعساكم في خير...