[عالمي زهران]

اقتباس: المشاركة الأصلية كتبت بواسطة الســرف      أعتقد الخلل يبدأ من الأنديه الإحتراف لايطبق بمعناه الصحيح كما أن هناك من يقضي على روح اللاعب وحماسه وتطلعه للمستقبل ويفسد موهبته بالإغراق المادي بمقدمات عقود وصفقات انتقال بالملايين ومكافآت ورواتب عاليه تجعله يصل مرحلة التشبّع والتخمه العصر عصر احتراف وانضباط وتدرج في تقييم اللاعب مادياً وإيجاد حلول لخلق دافعية انجاز تدفع اللاعب نحو بذل الجهد والعطاء المنتخب ليس مكاناً للتكريم ولا للواسطه اسماء كثيره تدخل المنتخب هناك من هو اجدر منها واحق باللعب ومستوياتها الحاليه لاتؤهلها للعب للمنتخب بالعربي الكره للفقراء وليس لابناء العوائل الكبيره والاسماء والمحسوبيات أجزم أن بلد كالسعوديه لاتمر في شارع من شوارعه ولاحي من احيائه ولاقريه من قراه إلاّ وفيها مباريات ولعب كرة قدم وعشق لهذه المجنونه أن فيه مواهب قادره على الإبهار والإنجاز والعطاء ورفع اسم هذا الوطن عندما نبحث عن كرة قدم سعوديه جميله ومنتخب قوي يحقق نتائج وبطولات وتهمنا سمعة الوطن سنجد من يقوم بهذه المهمه أما وضعنا الحالي فلايبشر سوى بمزيد من رفع الضغط فقد جعلنا منتخبنا " مهسترين " مره نضحك ومره نبكي لانعرف له اداء ولامستوى لاهوية لمنتخبنا .! حتى انديتنا ايضاً لانتوقع نتائجها ولامستوياتها الف شكر

الانديه وما الانديه ... يالسرف انا في رايي ان الانديه هي اووم المشاكل والحوسه ذي كلها !!
تدري ليش .. لانها نشب .. تعرف وش معنى نشب !!
لما يجيك الاتحاد السعودي ويخق ويلبي طلبات الانديه لانها نشبت في حلقه !!
وكيف عاد تنشب الانديه ؟؟
تنشب في لاعبيها اللي اختارهم المدرب او الصحافه !!
وتنشب لما تطالب بحقها في لاعبها وانها دفعت المبلغ الفلاني فحرام تحرموني منه !!
فيخق اتحاد الكره ويقوم ياجل وياجل الين يضيع النادي ويضيع المنتخب !!
لاهو اللي سوى منتخب زي الناس وفرغ اللاعب من ناديه ... ولا هو اللي خلى اللاعب يتفرغ لناديه !!
انت تقول المنتخب ليس مكانا للتكريم ولا للواسطه ... طيب وش تسمي دخول لاعبين للمنتخب ليسوا اساسيين في انديتهم !!
هذا اللي نبيه ... مانبي المنتخب يصير مرتع لكل فاشل .. ولا اللي محتاج تكريم ولا دعم نفسي !!
اما من ناحية المواهب في الملاعب السعوديه الرسميه والترابيه .. فلم ولن تنضب ... وتقدر تاخذ لك فره في الحواري في اي مدينه او قريه .. بتلقى لاعبين لاينقصهم سوى شوية اهتمام وتدريب ... وقس هذا على اللاعبين الرسميين في باقي اندية كل الدرجات ...
اما الهستره .. فانهم قد هستروا بنا هستره .. وش باقي من الالام والتجريح !!
شكرا لك