سلام عليكم ورحمة الله وبركاتة..
سأتكلم معكم بلهجة ديراوية بحتة لعل الله يلقي بقلوبكم الانصات ولو شوية..
ذلحين ماترون اننا من بد المجالس تقول قرود براس نطع والا الثرمبدة والا حضى؟؟
كل يوم نشوف لنا اثنين او ثلاثة وبعدها ماعا لهم ولاحس ولاخبر؟؟
اللي له حاجة يجي ويشخطها بالمجلس ولاعاد نشوفة؟؟؟
انتم وش بلاكم ؟؟
ذلحين نبي لنا واحد يمسك لنا المجلس وانا باذن الله باكلم لكم ابو نضال بس نبي واحد يكون متواجد؟؟؟
بعدين انا صرت مشرفة ولاشفت ولاواحد منكم يجي يبارك لي لابالعام ولا بالخاص
المفروض تفرحون ان واحدة من ال السني اصبحت مشرفة بالمنتدى
ماتفرق حتى لو كنت مدورية المهم اني سنية وافتخر اني من المداورة بس وربي اشوف باقي لحام ال السني هم اهلي وارحامنا ونحن هنا اخوة يجمعنا حب قبيلتنا والنهوض بها مثل الناس الصاحين
لكن الله المستعان انا ماهمني اللي يهمني هو ان المجلس يتحرك ويصير فوق مثل المجالس الباقية
والله اني تعبت وانبح صوتي من كثر ما انادي فيكم لكن المصلح الله
لاتزعلون مني لكن فديت اخشامكم خلوا مصلحة المجلس فوق مصالحكم الشخصية..
واللي تعرفون من الجماعة ادعوة لنا وانشروا خبر المجلس بكل مكان وبكل شعب وبكل وادي حتى ام الشنين والغمير وام العقارب والقداحة والشعابة والضبرة وان فيكم احد له جهد فيودي الخبر الين عفف
هيا ذلحين ابروح ويارب نلاقي تجاوب منكم
على فكرة اشوف ان شاعر المهجر هو الشخص المناسب لرئاسة المجلس
والامر شورى والاختيار لكم
اختكم /غربة مشاعر