جيت انت وحنا ندورك ...
جيت على وجهك ...
وييين رايح يبو ؟؟
فيين تششتغل !!
تعال هنا .. اجلس .. ارفع راسك .. وش فيك خايف ؟؟
اكلمك انا .. رد ؟
وبعدين معاك ؟
لهالدرجه متوهق ؟
لهالدرجه ترتجف ؟
ليش تسوي كذا ؟
مو عيب عليك ؟
ولاانت متعود تاكلها وتمشي ؟
كل مره القاك قدامي ؟
وش تبي انت ؟
ماكفاك اللي جاك ؟
تبيني اضيع مستقبلك ؟
تبيني الغيك من الوجود ؟
ااخ بس !!
لو يخلوني بس دقيقه مدير .. كان اول قرار اصدره .. رقم وتاريخ وتحتهم كلمه وحده بس >> صكررووه !!
على بالك بينفعونك واسطاتك !!
على بالك بتنجى من افعالك !!
وشفيك وطيت راسك ؟؟
مستحي من افعالك ؟
ولا ندمان عاللي خذته !!
طيب ليش تاخذ شي موب لك ؟
في احد دازك ؟
مدزه انت ؟
لاحوووول .. برضه توطي راسك !!
ارفع راسك وكلمني .. يمكن اساعدك !!
برضه ماتسمع الكلام !!
وطي راسك وطي ..اصلا انت مو كفو احد يساعدك ... انا اوريك !!
يلا قول لي يلا ..
ودي اساعدك ... ماتهون علي برضه !!
مع انك قليل خاتمه .. بس برضه بحاول اساعدك .. ولو انك ماتستاهل !!
يعني ابي افهم شي واحد بس !!
يوم تسوي كذا على بالك بطوله !!
لا يا الحبيب ... غلطان والله .. هذي ميب بطوله !!
البطوله تاخذ الشي بعرق جبينك انت !!
موب عرق جبين الناس !!
فاهم !!
نفسي اعرف ليش موطي راسك الحين !!
ارفع راسك شوي !!
ادري مالك وجه ... منت قادر ترفع راسك من سواياك !!
خلك .. تستاهل .. يلعبون عليك وانت مصدق انك بطل !!
ثاني مره لاقالوا لك طب وخذ اللي تبي .. قل لا !!
خلك ذكي .. لايلعبون عليك الحكام قصدي الناس !!
يلا اخلص .. ترى اشغلتنا .. كل يوم قضيه وكل يوم صجه .. وكل يوم تجيني تصارخ !!
وبالاخير تطلع انت السبب !!
على بالك صراخك يخلينا نتهم غيرك !!
لا يا الحبيب .. وش اللي حبيب .. انت حبيب !!
معصي .. انت كفو تصير حبيب .. انت مريب !!
هيا قوووم من قدامي ..
ولا تعال تعال ... يقولون بتلعب قدام النصر العالمي .. صح ؟
اشوفك ترتعد .. هيا انتبه .. لاتبين للنصر خوفك !!
ترى مايرحمك .. والله لياكلك حي !!
احسن شي .. سوي نفسك ميت .. سوي نفسك ميت !!
يلا وخر عني ...
شيلووووه !!
===============================================
فولتارين >>>
* جاك طاير من مدخل الزوار وسيده على الجناح رقم 1 .. لقى ثلاثه مرضى يتالمون ويصرخون .. هذا هذا !!
قالهم : بس .. خلوه .. خلوه !!
الدكتور استغرب .. وش السالفه !! لسا ماعطيتهم الدوى !!
قاله : انذار اول يادكتور !!
قال الدكتور : اووول !! لاحول ذكرتني ب كملنا !!
------------------------------------------------
* واحد من الشله .. عندنا بالاستراحه .. مايمديك تكح ولا وهو ناشب لك .. ليش تكح في وجيهنا !! ياخوي لاجتني الكحه ماشوف قدامي !! وخر هنا ولا هناك !! لازم الا تلزق جنبي ... ياحبك للشكاوي والمطالب.. وماودك تركد ايها الطالب !!
-----------------------------------------------
* يتفنون في قلب الحقائق كما هي عادات الملاحق ... يبونك على هواهم ... وانت متعدي مداهم .. تبونا ننزل .. ما اقدر ياناس .. عندكم برودة ثلج .. وعندنا شمس الدفا .. الا ماودكم تدفون ... والله الجفا برد !!
-----------------------------------------------
* اخترشوا بعد نهاية المباراه وقاموا يخذرقون بتداعيات الهزيمه الرحيمه .. قال ايش .. قال ثار !! ياشيخ والله انك عار !!
----------------------------------------------
* راعي الفزعات .. فضح نفسه !! بغى يكحلها اعماها !! قالوا له ياخي مو كذا !! قاله قفل بس قفل !!
----------------------------------------------
* التوصيل ياتي حسب الطلبات !! مطعم ذا ولا دوري !! اتصل نصل !! وسيده رفعوا السماعه .. وجاهم التوصيل السريع !!
----------------------------------------------
* ماعرفنا لهم .. وش يبون ؟؟ مره اسباني .. ومره انجليزي ..و الله يرجك يام صلاال !!
ذكرونا رابح ... مره قمر .. مره بدر .. مره هلااال !!
بكره تصير .. مره اسبان .. مره انقليز .. مره صومااال !!
---------------------------------------------
* جابوا حكم اوربي .. تورطوا !! ماعنده في احد !! وش الدبره ياولد ؟ بس ..مافيه الا هو .. ابو رومان وبس .. ماعننا وعنه .. ولد عمه عندنا .. بيستحي منه !!
--------------------------------------------
* صاحب صنعتين كذاب .. مافلحت هناك .. بتفلح هنا .. لا وسمسار بعد .. ماهذا الصنيع يا ... !!
--------------------------------------------
* هجدوه الكبار.. وعرفوه قدره .. بعد ماكان يستفزع فيهم .. قالوا له : طلع المخطط وانثبر !!
--------------------------------------------
خلص الفولتارين ...
شكرا