[آمـيرهـ بآح ــساسي]

بسم الله الرحمن الرحيم


اول شي هذي اول دخله على القسم الرياضي
فأتمنى ماترحبون بي بشوتة كوره توديني عند سالم الدوسي بالترحيب والمناسبات،،،
هدوء اللعب شوي واجتمعو بقول لكم سالفه،،
اول شي غيرو الالوان اللي لابسينها وخلوكم اخضربس
لون المحبه والسلام لون الرياحيين لون الارض الخصبه
اللي نزرع فيها اجمل اللوان الورد
لون العلم اللي كلنا نحمله عالي
ونرفرف به بكل مناسباتنا
لاحظت تعصب رياضي غريب جدآ
لدرجة كأن كل عضو من دوله مختلفه تمامآ ومن دين مختلف
وصلت مقالاتكم الرياضيه لدرجه العن والسب
اذا كان هذا هو الوضع اللي يعجبكم،، المفروض القسم الرياضي
لا يسمح بدخول الزوار له
وربي فشيله يدخلو ويلاقونا نتحارب
هلالي ضد نصراوي واتحادي ضد اهلاوي
وقدساوي ضد شبابي
متى نتخلص من هالظاهره السلبيه
في عالم الرياضه اكثر شي يعانون منه هو التعصب الرياضي
فالتعصب لايبني رأيآ رياضي سليم ابدآ
ولا تحليل منطقي
فالمتعصبين يحاولون ابراز ناديهم بأي طريقه ويقللون من النوادي الثانيه
كما انه يبني الحقد بين الفرق وبين المشجعين
حتى بين الأخوه بالبيت الواحد
لدرجة الاخ يكره اخوه بسبب تعصبه لنادي معين ياكافي البلاء
وبالمنتديات حدث ولا حرج سب واشتم وامشي
عادي كلها ضربت كيبورد
لكن ضربت الكيبورد هذي تكتب عند رب العالمين
بأي حق تعلن اخوك المسلم وتشهر فيه
بسبب تشجيعه لنادي غير ناديك
كلها كوم واستحقار الاعبين كوم
ينهانون اهانه غير طبيعيه بالله مايكفيهم رؤساهم اذا خسرو وماسجلو اهداف خخخ
كأن الاعب رجل آلي لا يغلط ولا يخسر لازم
يفوز ويكون بالمقدمه

اخواني اعضاء المنتدى الرياضي خلونا نرتقي بأقلامنا
فلا يكتب الا كل ماهو جميل لكي لايشهد علينا كل حرف
كتبناه هنا،،،


كنت هنا<<وش جابك هنا <<مدري هههههه
خلاص بطلع لاتعصبون،،،

وين بابكم ابغى اطلع بسرعه لايجون المشرفين