النظــرات
((للعيون اسرار في الكلام :-
يا بو عيونٍ من هدبها تعنّيت
ش الفرق خبّر بين نظره ونظره
نظره تردّ الروح لو صادفت ميت
ونظره تفتّ القلب لو كان صخره
ونظره بها تنهاك إن كنت شطّيت
وبثانيه يصدر إلىالقلب أمره
ونظره ترحّب بك مودّه إذا جيت
ونظره بها غيظه ومنعه وزجره
ونظره بها تلهيك إن شفت اسهيت
ونظره بها ترجع وفي الروح حسره
أوراضيه وتقول تسلم ولا اخطيت
أو ساخطه كنّها بها تقول عثره
أو التي تسحر فوادك بتشتيت
أو التي ابْها ترى ايفكّ سحره
أو كاذبه تخدعك منها تشقّيت
أو صادقه قلبك في لحظه تجرّه
من خوفي العاذل بلحظي تشكّيت
م اللى دهاني من عناده وغدره
وجاني جوابه من عيونه وحسّيت
به كيف ياخذ م الواشين حذره
من زود حزني ولوعة البعد هلّيت
ادموع شوقي عبرةٍ خلف عبره
وكان اعتذاره نظرةٍ له تمنّيت
منها لو انّي بين سحره ونحره
واكتمت مابي لاجل عينه وكفّيت
هو حسّ بالامي وانا قبلت عذره
كلمات محمد بن رااشد المكتوم
ـــــــــــــــــــــــــــــــــــــ
|